Li Helebê êriş li dijî gora Şêxê pêkhateyên Elewiyan hate kirin. Li Laiziqiyê û Tertûsê elewî li dijî destdirêjiya li ser cihên wan ên olî xwepêşandanên mezin li dar xistin.
Piştî ku rêjîma Beas hate rûxandin çekdarên HTŞ’ê êrişî cihê pîroz kirin.
Yek ji wan cihên pîroz gora ‘Ebû Ebdullah El-Husên’ ji bo pêkhateya elewiyan pîroziyeke olî ye.
Ev gor li Helebê ye.
Li wir çekdarên HTŞ’ê gora Ebû Ebdulah El-Husên xerakirin.
Dîmenê vê buyerê Li ser medya dijîtal hate belavkirin.
Di dîmen de gor tê xirabkirin û şewtandin.
Elewiyên li Sûriyê li dijî destdirêjiya li ser cihên olî daketin qadan
Elewî li dijî kirinên li ser cihên olî nerazîbûn nîşan dan.
Li Laziqiyê û Tertûs bi hezaran ewlî bi yek dengî banga dewletek niştîmanî û ne Mezhebî kirin.
Lê bersiva çekdarên HTŞ mîna ya rêjîma Baes gule û kuştin bû.
Piştî gulebarandinê xwepêşandan ji hev belav bû.
Piştî vê jî çekdar li nava taxan li wan geriyan û ew kuştin.
Ev jî yek ji wan kesan e ku dixwest bireve çekdarên HTŞ’ê bi du dilî ew kuştin.
Şêx û oldarên elewiyan bang li serokê Heyet Tehrîr El-Şam Ehemed El-Şeri ango Ebû Mihemed El-Colanî kirin ku sûcdaran bigirn û darzînin.
Li Hemaya Sûriyê 5 Elewî hatin kuştin
Her wekî li bajarê Erîha li ser M4 kesek hate kuştin.
Çavdêriya Mafê Mirovan a Sûriyê destnîaşn kir ku ev kes tenê ji bre şûna guleyan li laşê wî hebû hate kuştin.
Li gorî heman çavkaniyê li gundê Mirêwid yê Hemayê jî gelek elewî hatine kuştin.
Çavdêriya Mafê Mirovan a Sûriyê eşkere kir ku 3 kes li gundê Til Sarîn yê Hemayê hatin kuştin.
Ev her 3 ji aliyên kesin nenas ve bêy ku sedem werin naskirin hatin kuştin.
Rewşa li bajarên Sûriyê nearamî li wan serwere, ku li hin bajaran şerê navxwî derdikeve.
