Di berxwedana şervanên QSDˈê ya li derdora Bendava Tişrînê de 17 çete hatin kuştin û 40 çete jî birîndar bûn.
Navenda Ragihandinê ya QSDˈê têkildarî êriş û berxwedana li eniyên Bendava Tişrînê daxuyaniyek weşand.
Di daxuyaniyê de ev agahî hatin parvekirin:
“Roja înê (27 kanûn) saet 01:00ˈê çeteyên ji du eniyan; bajarokê Ebû Qelqel û gundê Elûş êrişî hêzên me kirin. Şervanên me bersiva êrişê dan û şerekî giran rû da.
Di şer de çeteyan derbên giran xwarin.
Di destpêka şer û pevçûnan de komeke çete bi temamî hat tunekirin. Dijmin ku hêzeke mezin anîn gund jî derbeên giran bi destê hêzên me xwarin.
Ji bilî şervanekî tenê ku sivikî birîndar bû, tu windahî di nava hêzên me de çêbû.
Yekîneyên Şehîd Harûn jî 4 erebeyên leşkerî yên çeteyan ku di nava malan de veşartîbûn îmha kirin û komeke din a çeteyan tune kir.
Di encama berxwedana şervanan a li hemberî êrişên çeteyan de yek jê fermandarê Tûgeya Mexawîr El Şemal çete Ebû Fayîz, 17 çete hatin kuştin.
Di nav de serçete 40 çeteyên din birîndar bûn.”
