Şîrovekarekî siyasî Serkîs Ebû Zêd li ser têkiliya di navbera Enqere û Til Abîbê de axivî.
Serkîs Ebû Zêd diyar kir ku di navbera Enqere û Til Avîvê têkiliyeke hevrikî ye, ne rûbirûye û got:
“Di navbera her du aliyan de hevrikî û cudabûna nêrînan hebe.
Lê Amerîkayê (DYA) dikare vê rikberiyê kontrol bike.”
Piştî ketina rejîma Baas, dewleta Tirk a dagirker kontrola xwe ya li ser Sûriyê berfirehtir kir.
Ev yek Îsraîl xist nav fikarên zêde de.
Piraniya şîrovekaran pêkanîna pevçûnele leşkerî di navbera Enqera û Til Avîv bi dûr xist.
Lê tiştên ku li ser xaka Sûriyê çê dibe diyar dike ku Sûriyê bûye cihê tesfiyekirina hesaban.
Li ser vê mijarê Şîrovekarê siyasî Serkîs Ebû Zêd axivî.
Serkîs Ebû Zêd: Têkiliya di navbera Enqera û Til Avîv ne rûbirûye
Serkîs Ebû Zêd ragihand ku têkiliya di navbera Enqere û Til Avîvê têkiliyeke hevrikî ye, ne rûbirûye.
Ebû Zêd diyar kir ku dibe hevrikiyek vekirî piştî guhertina rejîmê di navbera herdû aliyan çê bibe.
Ji ber ku her yek ji wan dixwaze herêmeke zêdetir li Sûriyê kontrol bike.
Lê Amerîka dikare kontrol bike û vê yekê çareser bike û got:
Serkîs Ebû Zêd: Metirsîna dewleta Tirk li ser mezinbûna rola Kurdan
“Dewleta Tirk xwedî projeyeke ku pêşî li rêveberiyeke xweser a Kurdan li Sûriyê bigre.
Ji ber ku ditirse rola Kurdan bêhtir mezin bibe û bandorê li qada Tirkiyê bike.
Lê Îsraîlê di vê aliyê de guh nade Tirkiyê.”
Ebû Zêd diyar kir ku her aliyek ji wan hewl dide tora têkiliyan bi aliyên li qada Sûriyê re heyî ava bike.
Da ku xwedî serwerî û rola mezintir be.
Lê hin dewletên Erebî yên din bi Îsraîlê û Tirkiyê li vê qadê hevrikiyê de ne.
Serkîs Ebû Zêd: Siûdiyê û Îmarat li Sûriyê hewil didin xwedî rol bin
Weke Erebistana Siûdî û Îmarat ku hewl didin li Sûriyê xwedî rol bin.
Ebû Zêd destnîşan kir ku Amerîka hîn jî pêdiviyên ku ji vê qadê dixwaze zelal nekiriye û wiha pê de çû:
“Amerîka geh hêzên xwe xurt dike geh jî vedikişîne, ji ber dibe ku hesabên wê yên cuda hebin.
Lê di her alî de rewşa Sûriyê hîna ne aram e nêzî aloziyê ye.”
Serkîs Ebû Zêd wiha dawî li gotinê xwe anî:
“Mijara Sûriyê hîn jî vekiriye, dibe ku hevrikiya di nava Tirkiye û Îsraîl û aliyên dîtir de zêde bin.
Ji ber ku ev qad hîna guhêrbar û nehatiye zelalkirin.”
