Li Navenda Çandê ya Ataturkê ji bo Sirri Sureyya Merasîma bîranînê hat lidarxistin.
Gelek siyasetmedar, hunermend, nivîskar, sazî û rêxistinên civakî beşdarî merasîmê bûn.
Hevserokên Dem Partiyê Tulay Hatîmoglulari û Tuncer Bakirhan, Pervîn Buldan jî, ji bo bîranîna Onder axaftin kirin.
Îro li Navenda Çandê ya Ataturkê ji bo Sirri Sureyya Onder bi tevlîbûna gelek siyasetmedar, hunermend, nivîskar, sazî û rêxistinên civakî merasîma bîranînê hat lidarxistin.
Li wir ji bo bîranînê gelek axaftin hatin kirin, hevserokên Dem Partiyê Tulay Hatîmoglulari, Tuncer Bakirhan û Pervîn Buldan jî axaftin kirin.
Tulay Hatimogulları spasiya xwe bo hemû beşên civakî kir û got ku di dema nexweşiyê de bi hembêzkirina hemû beşên civakê, peyama civaka demokratîk û aştiyê hebû ku Onder hewl dida pêk bîne.
Tulay Hatîmoglulari jî hestê xwe li ser Onder wiha anî ziman:
“Rêya aştî, edalet û demokrasiyê zirav û tûj e.
Te got, ‘Em ê bi ser bikevin, em ê aştiyê pêk bînin’.
Tulay Hatîmoglulari: Vê carê teqez em ê bi ser bikevin, ezbenî
Haya we ji zemîna pevçûnê ya ku agir gur dike û dixwazin Rojhilata Navîn bikişînin nava xwe, hebe.
Haya we jê hebû ku pêwîstiya hemû beşên jiyanê bi aştiyê heye.
Gotina te qet li erdê namîne. Vê carê teqez em ê bi ser bikevin..
Bila soza me ji bo her kesên ku li vê xakê berdêlê didin hebe.
Oxir be hevrêyê me yê hêja. Em ê te tu carî ji bîr nekin.”
Pervîn Bûldan: Te aştiya civakî pêk anî, niha dema aştiya mezin e
Endama şandeya Îmraliyê ya DEM Partiyê Pervîn Bûldan jî ji bo Sirri Sureyya Onder wiha got:
“Te aştiya civakî pêk anî, niha dema aştiya mezin e.
Aştiyek mezin dê were vî welatî. Te her tim ev xeyal dikir.
Te barekî mezin da ser milê min ku em ê vî barî bi hemû gelan re hilgirin, Teqez em ê aştiyê bînin.”
Tuncer Bakirhan: Hevrê Sirri sembola aştiyê ye
Hevserokê Dem Partiyê Tuncer Bakihan jî di merasîma bîranînê de axivî û got ku 18 roj li her aliyê welat ji bo Onder hêviyên başbûnê hat dayîn, ji bo vê jî êdî ew bûye sembola aştiyê.
Tuncer Bakirhan diyar kir ku Onder têkoşîna aştiyê dikir, îro pê de têkoşîna wî yên aştiyê bi hev re bidomînin.
Bakirhan jî li ser Onder hestê xwe wiha bilêv kir:
“Çîroka te bi qasî axa ku tu lê mezin bûyî û çîrokên ku te vegotin kûr bû.
Yên ku serê wan gelekî diêşe jî gelek çîrokên wan hene. Tu wek dengbêjekî, çîrokvanek bûyî.
Di her peyva ku we bi kar anî de şopên tevahiya erdnîgariyên ku hûn lê dijiyan hebûn.”
Keça Sirri Sureya Onder: Ez bi te serbilind im
Keça Onder, Ceren Onder Kandemîr ji bo bîranîna bavê xwe axaftineke kir.
Ceren Onder nameya ji bavê xwe re nivîsandî xwend.
“Ez kengî hewl bidim tiştekî binivîsim, li bavê xwe digeriyam û min nivîsa xwe li ser telefonê jê re bideng dixwend.
Ez û ew tenê yekkes bûn. Weke ku ji xwe re bixwînim min dixwend. Min xeletiyên xwe didît.
Biqasî ku pêdiviya min bi bavekî nemîne te ez têr kirim.
Lê ji dostaniya te têr nebûm. Ez bi te serbilind im.”
