Komîteya perwerde û fêrkirinê ya Minbicê ji bo şagirtên seretayî mîhrîcaneke çandî li dar xist

by ehmad aseed
78 views

Komîteya Perwerde û Fêrkirinê ya Minbicê ji bo şagirtên seretayî mîhrîcaneke çand û hunerê ya bi navê “Mîhrîcana Yasmîn a Aştiyê” lidarxist.

Mîhrîcana çandî li gundê El-Farat yê li bakurê rojavayê bajêr hat lidarxistin.

Tevî nûnerên Rêveberiya Sivîl a Demokratîk a Minbic û gundewarên wê girseyeke qelabalix beşdarî mîhrîcanê bû.

Di destpêka mîhrîcanê weke sembola aştiyê kevokên spî hatin berdan.

Piştre li ser navê Rêveberiya Minbicê cîgirê hevserokatiya Meclisa Qanûnsaz Cuma Heyder axivî û diyar kir ku mamoste avakerên pêşerojê ne.

Bi navê Rêveberiya Dibistana El-Farat jî, Ebdulrehnman Casimû bal kişand ser rola mamosteyan ya di civakê de kir.

Piştî axaftinan, şano, çalakiyên werzîşê, dîlan, stran, mûzîk û helbest hatin pêşkêşkirin.

Di dawiya mîhrecanê de Komîteya Perwerde xelat pêşkêşî şagirtan kir û spasname da Hêzên Ewlekariya Hundirîn û Navenda Jineolojiyê.