DEM Partiyê têkildarî daxuyaniya PKK’ê ya derheqê kongreyê de peyamek weşand û dibêje:“Em îro şahidiya qonaxeke herî dîrokî ya ber bi aştiyê û wekheviya gelan dikin.
Birêz Abdullah Ocalan di pêşxistina vê pêvajoyê de berpirsyartiyeke dîrokî li xwe girt û lîderên muxalefetê bi erênî nêzî pêvajoyê bûn.
Ji bo wê divê rêveberiya welat bi berpirsyartiya xwe ya dîrokî rabe ku ev yek dê bibe temînata pêkanîna aştiyê.
“Qonaxeke dîrokî ye, Berbanga nû ya aştî û xwişk-biratiyê ye” bi vî sernavî Partiya Wekhevî û Demokrasiyê ya Gelan DEM-Partî derheqê kongireya PKK’ê daxuyanî da.
Dem Partî weha dibêje:
Bi biryarên kongreya dîrokî ya PKK’ê re, em ji pevçûn û şerê ku 50 sal in didomin gaveke din nêzî asoya aştiyê dibin.
DEM Partî: Bila li şûna çek û inkarê dengê siyasetê bilind bibe
DEM Partî destnîşan kir ku êdî li vî welatî ne-dema siyaseta înkar û çekan e, dema lihevkirina demokratîk û civakî ye. Bila dengê pêkvejiyanê û wekheviyê bilind bibe.
DEM Partî: Bi biryarên kongreya PKK’ê re em nêzî aştiyê ne
DEM partî tekez kir ku li pêşiya aştiyeke birûmet û çareseriyeke demokratîk rûpeleke nû vedibe û wekî partî di wê baweriyê de ne ku ji bo çareseriya meseleya Kurd û demokratîkbûna Tirkiyeyê dê hemû saziyên siyaseta demokratîk berpirsyartiyê li xwe bigirin.
Berî her kesî peywira dîrokî ya ji bo aştiya civakî dikeve ser milê Meclisê.
Berpirsyartiya me ya sereke ew e ku em ji bo vê gava dîrokî veguherînin aştiyeke mayinde, zemîna qanûnî-sazûmanî bi hev re ava bikin.
DEM Partî: Rûpeleke nû ya rêya aştiya birûmet û çareseriya demokratîk e
DEM Partî got di vê kêliya dîrokî de, ji bo avakirina pêşeroja demokratîk a Tirkiyê, divê rêveberiya welat jî bi berpirsyartiya xwe ya dîrokî rabe ku ev yek dê bibe temînata pêkanîna aştiyê.
Birêz Abdullah Ocalan di pêşxistina vê pêvajoyê de berpirsyartiyeke dîrokî li xwe girt, lîderên muxalefetê bi erênî nêzî pêvajoyê bûn.
DEM Partî: Ger ku gavan bavêje desthilat li pêş derfeteke zêrîn e
Helbete ji bo ev pêvajoye bi ser keve, berpirsyartî dikeve ser milê saziyên me yên siyasî, rêxistinên civaka sivîl jî û bawrin ku wê aştiya Tirkiyê ji Rojhilata Navîn û cîhanê re bibe hêvî.
DEM Partiyê soz da gelên Mezopotamya û Anatoliyayê ku ew ê ji hevrûbûna rastiyê û cîbicîkirina edaletê gav paşve nedin û bibe parastvan û bargirên hemwelatiya wekhev, siyaseta demokratîk û aştiyê.
