Lula da Silva di civîneke çapemeniyê de li Qesra Serokatiyê ya Planalto bertek nîşanî êrîşên Îsraîlê yên li ser Xezayê da.
Da Sîlva dibêje tiştê ku li Xezayê diqewime qirkirine.
Lula da Silva, ku teqez kir ku tiştên li Xezayê diqewimin ti eleqeya wan bi şer re tune ye, got:
“Tiştê ku li Şerîda Xezayê diqewimin qirkirin e. Jin û zarokên ku ti eleqeya wan bi şer re tune ne tên kuştin.
Jin û zarokan dikujin, zarokên birçî dimirin.
Yanî, hûn nikarin bi niyeta dîtina kesekî heta wir jî bimeşin.”
Lula da Silva êşa dîrokî ya Cihûyan bi tiştên li Xezayê qewimîn re muqayese kir û ev tişt destnîşan kir:
“Bi gotineke din, dewleta Îsraîlê divê bi aqilane li hember mirovahiyê û gelê Filistînê tevbigere, tam ji ber êşa ku Cihûyan di dîrokê de jiyane.
Tenê wê demê aştî wê hebe ku dewleta Filistînê dewletek azad û serwer be.
Îsraîl naxwaze peymanek li ser sînorên 1967’an were bicîhanîn û her roj leşkeran dişîne da ku êrîşî mirovên li axên Filistînê, di nav de Şerîaya Rojava jî, bikin.”
Lula da Silva herî dawî li ser hesabê xwe yê medyaya civakî parvekirinek li ser bijîşkek Filistînî parve kiribû ku zarokên xwe di êrîşeke hewayî ya Îsraîlê de li Xezayê winda kiribû û bi tundî bertek nîşanî Îsraîlê dabû.
