Artêşa Îsraîlê ragihand ku wan êrîşên hewayî li ser herêma Dahiye ya li başûrê paytexta Lubnanê Beyrûtê pêk anîne.
Serokkomar û serokwezîrê Lubnanê êrişên Îsraîlê şermezar kirin û gotin: “Êrişên Îsraîlê binpêkirina serwerî, ewlehî, aramiya axa Lubnanê û peymanên navneteweyî ye.”
Artêşa Îsraîlê ragihand ku wan êrîşên hewayî li ser herêma Dahiye ya li başûrê paytexta Lubnanê Beyrûtê pêk anîne.
Ajansa fermî ya Lubnanê NNA ragihand ku bi balafirên şer 8 êrişên hewayî hatiye kirin.
Di nûçeyê de hat destnîşankirin ku balafirên bê mirov yên artêşa Îsraîlê bi giranî li ser taxên Hades, Hureyk û Burc el-Baracine difirin, û ji herêma ku behsa wan tê kirin koçberiyek mezin çêbûye.
Her wiha hat destnîşankirin ku êrîş pir tund bûn, lê di derbarê çawanî an jî armanca êrîşan de hûrguliyên din nehatine dayîn.
Berdevkê Artêşa Îsraîlê Avichay Adraee li ser hesabê xwe yê medyaya civakî nexşeyek parve kir ku çar avahiyên li herêmên Hades, Hureyk û Burc el-Baracine yên li başûrê paytext Beyrûtê nîşan dide.
Adraee îdia kir ku çar avahiyên li herêmên ku behsa wan tê kirin tesîsên Hizbullahê ne û daxwaza “valakirina” avahiyên derdorê kir.
Tevî peymana agirbestê ya di navbera Îsraîl û Lubnanê de di 27’ê Mijdara 2024’an de, Îsraîl gelek caran peymanê binpê dike.
Serokkomarê Lubnanê: Êrişên Îsraîlê binpêkirina peymanên navneteweyî ye
Li gorî ajansa fermî ya Lubnanê NNA, Serokkomar Joseph Avn êrîşên hewayî yên ku Îsraîlê di saetên êvarê de li ser Dahiyeyê pêk anîn şermezar kir û got:
“Ev êrîş ne tenê binpêkirineke eşkere ya peymanên navneteweyî, lê di heman demê de binpêkirina mafên mirovan, nirxên olî û aramiya herêmî ne.”
Joseph Avn teqez kir ku êrîşên Îsraîlê bi eşkere nîşan didin ku ew şertên aştî û aramiyê qebûl nake.
http://doc.afp.com/49EA864
Avn êrîşên Îsraîlê ya berî cejneke olî şermezar kir û bang li civaka navneteweyî kir ku Îsraîlê rawestîne û berpirsiyariya parastina sivîlan bigire ser xwe.
Newaf Selam: Êrişa Îsraîlê rasterast ewlehî û aramiya Lubnanê dike armanc
Li aliyê din serokwezîrê Lubnanê Newaf Selam jî êrîşên asmanî yên Îsraîlê li ser herêma Dahiyeyê li başûrê Beyrûtê bi tundî şermezar kir.
Di daxuyaniyek nivîskî de, Selam got:
“Gef û êrîşên dubare yên Îsraîlê, nemaze li dijî taxên başûrê Beyrûtê, siyaseteke armancgirtina sîstematîk û bi zanebûn li dijî Lubnanê ye.”
Selam teqez kir ku êrîş rasterast serweriya welêt, ewlehî, aramî û avahiya aborî hedef digirin û diyar kir ku ne tesaduf e ku binpêkirinên bi vî rengî bi taybetî di êvara cejnên olî û beriya dema geştiyariyê de çêdibin.
Salamî her wiha got:
“Ev êrîş binpêkirinek eşkere ya serweriya Lubnanê û biryara 1701 a Konseya Ewlekariyê ya Neteweyên Yekbûyî ne.”
Îsraîl 2 êrîşên hewayî li ser bajarokê Eyn Qana li Başûrê Lubnanê kir
Li aliyê din li gorî ajansan nûçeyan a Lubnanê-NNA, droneke Îsraîlî êrîşî bajarê Eyn Qana kir, piştî wê balafirên şer ên Îsraîlê li avahiyek ku berê hatibû hedefgirtin xistin.
Êvarê, artêşa Îsraîlê bi telefonê hişyarî da sivîlên li bajarokên Dîbîn, Belat û Eyn Qana li başûrê Lubnanê da ku ji malên xwe derkevin.
NNA ragihand ku balafirên şer ên Îsraîlê li bilindahiyên navîn li ser asîmanên Reşaya û Bekaaya Rojava li başûrê rojavayê welêt firiyan.
Êrîş di heman rojê de bi heşt êrîşên asmanî yên ku ji hêla Îsraîlê ve li herêma Dahiya li başûrê Beyrûtê hatin kirin re hatin kirin.
Ev êrîşa çaremîn a mezin a li ser Dahiya ji dema agirbestê ve bû ku di Mijdara 2024’an de ket meriyetê.
Sivîlên li Dahiya piştî hişyariyên valakirinê yên Îsraîlê bi hejmareke mezin dest bi koçberiyê kirin.
