Ji saetên sibehê ve, artêşa Îsraîlê êrîşî deverên cuda yên Xezayê kir.
Di encama wan êrişan de 42 kes hatine kuştin û zêdetirî 200 kes birîndar bûne.
Çavkaniyên tenduristiyê gotin 30 ji wan kesên ku hatine kuştin sivîlên ku li benda alîkariyê bûn.
Di heman demê de piraniya êrîşan li dora navendên alîkariya mirovî yên bi pêşengiya Îsraîlê û Amerîkayê pêk hatine ku Îsraîl wekî “xefka mirinê” li Xezayê bikar tîne.
Nexweşxaneya Şîfa li bakurê Xezayê ragihand ku 5 Filistînî dema ku leşkerên Îsraîlê gule li Filistîniyên ku li nêzî qada belavkirina alîkariyê ya li bakurê rojavayê bajarê Xezayê li bendê bûn, hatine kuştin.
Nexweşxaneya El-Awdeh li Kampa Penaberan a Nusayrat li navenda Xezayê ragihand ku 13 kes hatine kuştin û 200 kes jî birîndar bûne.
Nexweşxaneya Nasir jî ragihand ku di encama topbarana Îsraîlê de li bajarê Xan Yûnis ê li başûrê welêt 12 kes hatine kuştin.
Çavkaniyên tenduristiyê gotin ku di êrîşekê de ku li Refahê li nêzî xaleke alîkariyê ya bi navê xala alîkariyê li benda wan bû, 12 kes hatine kuştin.
Heyva Sor a Filistînê ragihand ku ji ber hedefgirtina xetên ragihandinê ji aliyê Îsraîlê ve, ew di têkilîdanîna bi tîmên li Xezzeyê re zehmetiyek mezin dikişîne û kordînasyona mirovî tê astengkirin.
