Rojeva sereke ya cîhanê jî şerê Îsraîl û Îranê ye.
Gelek welat banga rawestandina şer û destpêkirina danûstandinan dikin.
Hin dewlet jî welatiyên xwe ji Îranê û Îsraîlê derdixin. Serokê Amerîkayê Trump gef li Îranê xwar.
Lîderê olî yê Îranê Xamneyî jî gef li Îsraîlê xwar.Wisa xuyaye ku her biçe wê şer giran bibe.
Şerê Îsraîl û Îranê rojeva sereke ya cîhanê ye. Gelek alî banga rawestandina şer û destpêkirina danûstandinan dikin.
Serokê Amerîkayê Donald Trump ragihand ew cihê lîderê olî yê Îranê Elî Xamneyî dizanin lê niha wî nakujin û got,
Lê divê Îran bê şer û merc teslîm bibe. Em li dû agirbestê nîn in em ji wê zêdetir dixwazin. Niha qada ezmanî ya Îranê di bin kontrolo me de ye.”
Li aliyê din Trump bi ekîba ewlekariya netewî re civînek li dar xist û rewşa dawî ya şerê Îsraîl û Îranê hate nirxandin.
Xamneyî gef li Îsraîlê xwar: Em ê merhemetê li wan nekin
Lîderê olî yê Îranê Elî Xamneyî jî gef li Îsraîlê war.
Xamneyî ku li ser hesabê xwe yê medya dijîtal bi zimanê Îngilizî daxuyanî da got, “Emê merhemetê li sîyonîstan nekin. Emê bersivke xurt bidin rejima sîyonîst ya terorîst”.
Xamneyî da zanîn Îsraîl wê cezayên şaşitiyên xwe bikşîne û diyar kir Îran wê aştî an jî şerekî ku bi darê zorê tê ferzkirin qebûl neke.
Xamneyî derbarê gefên Serokê Amerîkayê Trump de jî got, “Yên ku li ser dîroka Îranê xwedî agahîne, dizanin ku Îranî bersiva vî zimanê gefê nedaye.”
Îran: Heta niha 21 eyalet bûne hedefa êrişên Îsraîlê
Serokê Heyva Sor ya Îranê Mucdeba Xalidî ragihand li Îranê ku 31 eyalet hene, heta niha 21 eyalet bûne armanca êrişên Îsraîlê.
Îmaratê banga pêkanîna agirbestê li konseya ewlekariyê kir
Wezîrê Karên Derve yê Îmaratê jî banga agirbestê li Konseya Ewlekariyê ya Neteweyên Yekbuyî kir.
Îmaratê xwest ji bo rawestandina şerê Îran û Îsraîlê gavên lezgîn bên avêtin û bi rêyên dîplomatîk çareserî bê dîtin.
Pûtîn: Îsraîl welatên herêmê ber bi felaketê ve dibe
Serok-dewletê Rûsyayê Vladimir Pûtîn jî têkildarî şerê Îsraîl û Îranê daxuyanî da.
Pûtîn diyar kir Îsraîl a ku guhê xwe li bangan digire êdî zorê dide sînorên sebrê û anî ziman ku welatên herêmê jî ber bi felaketê ve dibe.
Rûsya: Êrişên Îsraîlê ên li ser navendên nukleer gefê li cîhanê dixwe
Wezareta Karên Derve ya Rûsyayê jî têkildarî êrişên Îsraîlê yên li ser Îranê hişyarî da.
Wezaretê ragihand êrişên li dijî cih û deverên nukleer gefê li ser hemû cîhanê dixwe.
Çîn welatiyên xwe ji Îranê û Îsraîlê derdixe
Gelek welat ji ber şer welatiyên xwe ji Îranê û Îsraîlê derdixin.
Ragihandina Çînê eşkere kir ku Pekînê dest bi derxistina welatiyên xwe ji Îranê kiriye û koma destpêkê hatiye derxistin.
Hate ragihandin 700 kes ji Îran û Îsraîlê hatine derxistin.
Çalakvanên mafên mirovan: di êrişên Îsraîlê de 585 kes mirin
Koma Çalakvanên Mafên Mirovan ku navenda wan li Washingtonê ye eşkere kir ji ber êrişên Îsraîlê yên li ser Îranê heta niha 585 kes mirine û 326 kes jî birîndar bûne.
Hat ragihandin di nava kesên mirine de 239 sivîl û 126 jî xebatkarên ewlehiyê ne.
