Li aliyê din tevî agirbesta ku ji hêla Trump ve hate ragihandin êrişên Îsraîl û Îranê nesekînin.
Artêşa Îsraîlê da zanîn ku wan vê dawiyê moşekên ku ji Îranê hatine avêtin û ber bi Îsraîlê ve diçin tespît kirine.
Trump got Îran û Îsraîlê agirbestê binpê kirin. Ji Îsraîlê xwest ku pîlotên xwe vegerînin û êrişê Îranê nekin.
Tevî agirbesta ku îro hate ragihandin êrişên Îsraîl û Îranê nesekînin.
Serokê Amerîkayê Donald Trump diyar kir ku Îran û Îsraîlê agirbest binpê kirine û ji Îsraîlê xwest ku Îranê bombebaran neke.
Trump: Îran û Îsraîl agirbestê binpê kirin
Trump diyar kir ku ew gelekî ji Îsraîl û Îranê ”razî nebû û got: ”Îran û Îsraîlê agirbest binpê kirin.”
Trump nerazîbûna xwe bi van gotinan bilêv kir:
”Min êrîşa Îsraîlê ya piştî agirbestê baş nedît û pêşwazî nekir.”
Trump li ser medyaya dijîtal Truth Socialê daxuyaniyek da û got: ‘
‘Îsraîl. Van bombeyan neavêjin. Ger hûn biavêjin ev yek wê bibe binpêkirineke pir mezin. Pîlotên xwe vegerînin!
Artêşa Îsraîlê: Îranê moşek avêtin
Her wiha artêşa Îsraîlê da zanîn ku wan vê dawiyê moşekên ku ji Îranê hatine avêtin û ber bi Îsraîlê ve diçin tespît kirine.
Artêşê got parastina wan ji bo astengkirina gefê dixebite.
Zanyarê nukleerî li Îranê beriya agirbestê hat kuştin
Îsraîlê îro sibê ragihand ku di 24 saetên borî de di êrîşên li ser Tehranê de zanyarê nukleerî yê din ê Îranî kuştiye.
Nournews a Îranê ragihand ku Mihemed Riza Sediqî berî ku agirbest bikeve meriyetê di êrîşeke Îsraîlê de hat kuştin.
Iraq: Du ji sîstemên radarên me ji aliyê dronan ve bi giranî zirar dîtin
Li aliyê din Iraqê ragihand ku dronên Îranê hin tesîs û baregehên leşkerî yên girêdayî hêzên ewlehiyê yên Iraqê hedef girtin.
Di daxuyaniyê de hat ragihandin ku du pergalên radarê yên girêdayî artêşa Iraqê bi giranî zirar dîtine.
Hat ragihandin ku qada hewayî ya Iraqê ji bo firînên navneteweyî ji nû ve hatiye vekirin.
Li Îranê herî kêm 610 kes mirin
Li gorî bîlançoya nû ya Wezareta Tenduristiyê di şerê Îran û Îsraîlê de, îro jî di nav de herî kêm 610 kes hatine kuştin û zêdetirî 4 hezar û 700 kes jî birîndar bûne.
Berdevkê Wezaretê Huseyin Kermanpur li ser medyaya dijîtal X’ê peyamek da û got:
“Di nava 12 rojên dawîn de nexweşxane bi rewşên gelekî dijwar re rû bi rû man.”
