Di êrîşên artêşa Îsraîlê yên li ser Şerîda Xezayê de 39 kes hatine kuştin, ku 26 ji wan li benda alîkariya mirovî bûn.
Wezareta Tenduristiyê ya Filîstînê ragihand ku hejmara miriyan li Xezayê gihiştiye 55 hezar û 997 kesan.
Her wiha hat ragihandin ku hêzên Îsraîlê li Şerîa Rojava serdegirtinan pêk anî.
Di êrîşên artêşa Îsraîlê yên li ser Şerîda Xezayê de 39 kes hatine kuştin, ku 26 ji wan li benda alîkariya mirovî bûn.
Nexweşxaneyek li Xezayê derbarê êrişê de daxuyanî da û ragihand ku artêşa Îsraîlê kesên li benda alîkariyê bûn êriş pêk anî.
Di êrişê de 19 kes hatine kuştin û 146 kes jî birîndar bûne ku 62 ji wan birîna wan giran e.
Li gorî agahiyên ku ji çavkaniyên tenduristiyê, di êrîşa Îsraîlê ya li ser Filistîniyên li nêzî korîdora Netzarîmê de 7 kes hatine kuştin û 60 kes jî birîndar bûne.
Di vê navberê de, hejmara birîndaran, ku berê wekî 246 hatibû ragihandin, wekî 206 hatiye tomar kirin.
Şahidên bûyerê diyar kirin ku hîn jî cenaze li nêzî Korîdora Netzarîmê li erdê hene, lê ji ber şert û mercên xeternak ew nehatine derxistin.
Çavkaniyên tenduristiyê yên li Nexweşxaneya El-Ehlî Baptist jî ragihandin ku di êrîşeke Îsraîlê ya li ser malekê li taxa Zeytûnê ya li başûrê rojhilatê Xezayê de 8 kes hatine kuştin.
Çavkaniyên li Nexweşxaneya Nasser li Xan Yûnisê jî ragihandin ku di êrîşeke asmanî ya Îsraîlê de ku konê koçberan li bakurê rojavayê bajarokê Karara yê li bakurê bajêr hedef girtiye, 3 Filistînî hatine kuştin.
Çavkaniyên tenduristiyê ragihandin ku cenazeyên 2 Filistîniyên ku di êrîşeke Îsraîlê de li herêma Satr a Xan Yûnisê hatibûn kuştin jî ji bin kavilan hatine derxistin.
Hejmara miriyan derket 55 hezar û 997 kesan
Wezareta Tenduristiyê ya Xezayê duh ragihandibû ku ji 7’ê Cotmeha 2023’an ve heya navîna Hezîrana îsal ve 17 hezar û 121 zarok hatine qetilkirin.
Li gorî wezaretê ji 7’ê Cotmeha 2023’an û şûnde ve jî 55 hezar û 997 kes li Xezayê hatin kuştin.
Artêşa Îsraîlê li şerîa Rojava serdegirtinan pêk anî
Her wiha li gorî agahiyên ji şahidan hatine wergirtin, hêzên Îsraîlê bi buldozeran êrîşî navçeya Zawiya ya Cenînê kirine.
Li gorî agahiyan, xaniyek du qatî ya li heremê, ji aliyê leşkerên Îsraîlê ve hatiye hilweşandin.
Berî hilweşandinê, dem nehatiye dayîn ku xwediyê xaniyê ji bo valakirinê derkeve.
Artêşa Îsraîlê ji ber heman sedemê hin cihên kar ên li deriyê navçeya Zawiyayê jî hilweşandin.
Ji dema ku Îsraîlê di 7’ê Cotmeha 2023’yan de êrîşa xwe ya li ser Şerîda Xezayê da destpêkirin, binçavkirin, serdegirtin û êrîşên li ser Filistîniyan li Şerîaya Rojava û Qudsa Rojhilat zêde bûne.
Her wiha ji 21’ê Çileyê ve artêşa Îsraîlê êrîşên xwe yên li ser kampên penaberan ên Cenîn, Tulkerîm û Nur Şems li bakurê Şerîa Rojava berdewam kiriye.
