Ewrûpa wê di dema pêş de rastî pêlek e germahiyê.
Ewrûpa wê rastî pêleke gerim were kirin.
Bi taybet herêmên rojava û başûr yên Ewropayê, di dawiya vê hefteyê de û rojên pêş di bin bandora pêla germahiya zêde de ye.
Ji Spanya heta Belçîkayê, li ser erdnîgariyeke berfireh germahiya pir zêde heye.
Tê ragihandin ku li Spanyayê dibe germahiya hewayê derkeve 48 pileyan.
Her wiha li paytexta Portekîz Lîzbonê jî termometre 42 pileyê nîşan bidin.
Li îtalyayê li 21 bajaran hişyariya germahiyê ya bi koda sor hate dayîn.
Yewnanistan ya ku beriya niha ku ji ber germahiya zêde şewteke berfireh rû da, bi heman rengî di bin hişyariya germahiya zêde de ye.
Li Fransayê pêvajoya ku weke “pêla hewayê ya germahiya zêde” tê naskirin û roja îniyê destpê kir, bû sedem ku li 73 departmanan hişyariya pirteqalî were dayîn.
Roja Yekşemê li hin herêman germahî gihişt 40 dereceyan.
Meteo-France ragihand ku germahî wê di destpêka hefteyê de hîn zêdetir bibe, bi taybetî ji dervey peravên Deryaya Spî wê li hemû welêt bi bandor be.
Rûyê ava Deryaya Spî her ji niha ve gihişt 25 pileyê; ji bo vê werzê rewşeke awarte ye.
Enstîtuya Meteorolojiyê ya Qraliyeta Belçîkayê (IRM) li seranserî welêt hişyariya germahiya zêde da.
Tê payîn ku roja sêşemê gemrahî li herêmên rojava û navîn bibe 35 pile û dibe hîn bilindtir jî bibe.
Her wiha roja Çarşemê li herêmên navîn û rojhilat germahî wê bibe 36-37 pile.
Hişyarî niha heya pêncşemê derbasdar e.
Li gorî pisporan ev germahiya zêde, di encama rewşeke meteorolojik a bi navê “qubeya germahiyê” de derdikeve holê.
Di vê rewşê de qadeke basincê ya bilind û xurt li ser herêmeke diyarkirî demek dirêj dimîne.
Qada basincê hewaya germ di jêrê de heps dike, çêbûna ewran asteng dike û dibe sedem ku bi rojan germahî zêde bibin.
Tê diyarkirin ku ev germahiyên awarte bi taybetî ji bo kesên kal, zarok û kesên hesas xeteriyên tenduristiyê yên cidî dihilgire.
Rayedar ji bo vê rewşê mayîna li ber siyê, vexwarina ava zêde û newestandina bedenê pêşniyar dikin.
