Muqteda El-Sedir: di Iraqê de cihê biyaniyan tine ye

24’ê Çileyê wê li Iraqê xwepêşandaneke ku tê payîn bi milyonan be ji bo derketina hêzên biyanî ji Iraqê were lidarxistin. Rêberê Tevgera Sedir Muqteda El-Sedir jî diyar kir ku cihê welatên biyanî li Iraqê nîne û got: Eger em şoreşa Iraqê bikin, emê bi serbikevin û dawî li gendeliyê bînin.

Rêberê Tevgera Sedir Muqteda El-Sedir li ser hesabê xwe yê tiwîterê li dijî hebûna hêzên biyanî li Iraqê, peyamek belav kir.

Sedir diyar kir cihê biyaniyan li Iraqê nîne û ji welatiyan xwest li dijî hebûna wan hêzan derkevin.

El-Sedir xwepêşandanên Iraqê weke şoreşê bi nav kir û got:

“Eger şoreşa Iraqê dewam bike, teqez emê serbikevin û dawî li sîstema gendeliyê bînin.”

Tê payîn ku 24’ê Çile bi milyonan kes li Iraqê dakevin qadan û daxwaza derketina hêzên biyanî ji Iraqê bikin.

Piştî kuştina Fermandarê Feyleqa Qûds a Îranê Qasim Silêmanî û gelek êrîşên din ên Amerîka û Tirkiyê li dijî hêzên herêmî, parlementoya Iraqê pêşnûmeqanûna derxistina hêzên biyanî yên li Iraqê pesend kir.

Mijarên Girêdayi

Leave a Reply

Back to top button
Close
Close