Saziya Rewşa Lezgîn a Tirkiyê: Ji ber erdheja li bajarê Xarpêtê 22 kesan jiyana xwe ji dest da

Li bajarê Xarpêtê ya Bakûrê Kurdistan duh erdhejek pêk hat. Saziya Rewşa Lezgîn a Tirkiyê ragihan ku heta niha 22 kesan jiyana xwe ji dest daye û zêdeyî hezar kes jî birîndar bûne. Îro jina ducanî ya bi navê Pinar Dîşlî ku vê sibê ji bin kavilên Taxa Gezîn a Navçeya Xûxê hatibû derxistin jiyana xwe ji dest da. KCD’ê û HDP jî banga seferberiya alikariya ji bo mexdûrên Xarpêtê kir.

Doh li gorî dema herêmê saet di 19:55 an de li bajarê Xarpêt a bakurê kurdistanê bi pileya 6,8 erhejek pêk hat.

Erdhej 6 km di bin erdê de rû da.

Li gorî agahiyên despêkê 4 kesan jiyana xwe ji dest dan û bi dehan kes birîndar bûn.

Bi derbasbûna demê re bîlançoya kesên jiyana xwe ji dest dane zêde bû.

Li bajarê Xarpêt û Malatî 22 kesan jiyana xwe ji dest dan û zêdeyî 1103 kes jî birîndar bûn.

Heta niha 39 kes ji bin xirbeyan hatine derxistin û xebatên lêgerînê didomin.

Ji ber rewşa giran ya birîndaran û hîna kesên di bin kavilande mane, metirsî heye ku hejmara kesên jiyana xwe ji dest dane zêde bibe.

Jinek ducanî ku ji bin kavilan hat derxistin, jiyana xwe ji dest da

Her wiha jina ducanî ya bi navê Pinar Dîşlî ku vê sibê ji bin kavilên navçeya Xûxê ya Xarpêtê hatibû derxistin jiyana xwe ji dest da.

Di bin xirbeyan de girîngiya zimanê kurdî

tîmên hawarçûnê hewl didin bi rêya telefonê xwe bigihînin kesên di bin kavilan de.

Tîmên hawarçûnê dema hewildidan kesên di bin xirbeyan de zimanê tirkî nizanin xilas bikin zehmetî kişandin.

Endama tîma hawarçûnê piştî ku bi zimanê Kurdî bi Azîze Çelîk re axîvîn ew xilas kir.

Girtîgeha Semsûrê tê valakirin

Bi biryara Wezareta Edaletê, Girtîgeha Semsûrê tê valakirin û 814 girtî ji bo girtîgehên bajarên derdorê hatin veguhestin.

Hate diyarkirin ku li navçeya Poturge ya Meletiyê nêzî 100 avahî hilweşiyane.

5 kes li Doganyola Meletîyê jî mirin û xebatên lêgerîna di nav kavilan de bi dawî bû.

Li Taxa Gokçeyê kesên di bin kavilan de hemû hatin rizgarkirin, lê gelek birîndar hene.

KCD û HDP’ê ji bo erdhejê banga seferberiyê kir

Kongra Civaka Demokratîk KCD’ê li ser erdhejê daxuyaniyek da û banga serferberiya alîkariyê ji bo mexdurên erdheja Xarpêtê kir.

Partiya Demokratîk a Gelan HDP’ê jî li ser hesabê xwe yê twîtirê sersaxî ji malbatên kesên ku xizmên wan jiyana xwe ji dest dane re xwest û bang li desthilatdariyê kir ku bi erka xwe rabin.

Mijarên Girêdayi

Back to top button
Close
Close