Jina Sûdanî û Rêvebera Rêxistina Hêzdarkirina Jinan a Kayan, Meriyem Ehmed rewşa kirîtîk ya jin û civaka Sûdanê nirxand.
Meryem Ehmed diyar kir ku banga rêber Apo ya 27′ sibatê ji bo Sûdan û welatên ku ji şer bandor bûne jî derbasdar û got:
Ramanên Abdullah Ocalan ne bi erdnîgariyeke taybetî ve girêdayî ne, nêrîneke berfireh pêşkêş dike.
Rêvebera Rêxistina Hêzdarkirina Jinan a Kayan a Sûdanî Meriyem rewşa jin û civaka Sûdanê û giringiya banga rêber Apo ji NÛJIHA’yê re nirxand.
Meryem Ehmed rexne li paşguhkirina jinan di danûstandinên aştiyê de kir û wiha got:
Li Sûdanê ji şerê 15’ê Nîsanê ve, jin tên hedefgirtin.
Li gorî raporên mafên mirovan, nêzî 8 hezar jin rastî destdirêjiyê hatine her wiha bi hezaran jin bê hevjîn mane û malbatên xwe winda kirine.
Tu civak bêyî jinan nikare bi pêş bikeve lê dema ku dor tê ser danûstandin û biryardanê, ew pir caran tên paşguhkirin.
Em jinên Sûdanî yên ku ji şer û pevçûnan hatine dinyayê, ji bo bihêzkirina jinan her dem xebitîne, lê ew nehatine pejirandin an jî di pêvajoyên siyasî de nehatine entegrekirin.
Ji ber vê îro em beşdariyeke rastîn û bibandor dixwazin.
“Navbera 10 û 12 komên jinan li Sûdanê hene”
Meryem Ehmed li ser xebatên jinên Sûdanê jî wiha anî ziman;
Avakirina aştiyeke rastîn bi hewldanên jinan dest pê dike.
Niha em dibînin jinên Sûdanê, di rêxistinên jinan ên çalak de cih digrin.
Navbera 10 û 12 komên jinan hene ku di çarçoveyên cuda yên Sûdanê de dixebitin.
Ev kom ji bo tevgereke jinan ku dikare destpêşxeriyên bihêz û bi bandor bide destpêkirin, naverokek rastîn pêk tîne.
“Divê em banga Abdullah Ocalan li ser civaka Sûdanê jî pêk bînin”
Li ser pirsa divê jinên Sûdanê di însiyatîfên çawa de cih bigrin ji bo banga “Aştî û Civakeke Demokratîk” pêk bînin û bixin meriyetê Meryem Ehmed wiha got:
Ramanên Abdullah Ocalan ne bi erdnîgariyeke taybetî ve girêdayî ne, nêrîneke berfireh pêşkêş dike.
Li gorî min ev bang gaveke pir baş e û dikare bi awayekî rastîn li ser civaka Sûdanê were sepandin.
Gerek em vê bangê li ser rastiya welatên mîna Sûdanê ku ji şer û dabeşbûnê êşê dikşînin bi cih bînin.
Abdulah Ocalan hêza civakê bi hêza jinan girê dide.
Azadiya wan bingeha bidestxistina jiyana sivîl a bi rastî demokratîk e.
