Li gorî rapora nû ya Navenda Jinan a Neteweyên Yekbûyî, krîza peydakirina xwarinê ya li Sûdanê li gorî mêran du qatî zêdetir bandorê li jin û zarokên keçik dike.
Li gorî rapora Neteweyên Yekbûyî li Sûdanê ji 30,4 milyon welatiyên ku hewceyî xwarinê ne 15,3 milyon jin û zarokên keçik in.
Li gel dirêjbûna şer krîza li Sûdanê jî kûrtir dibe.
Ji sedî 15’ê malbatên ku jin debara wan dikin, bi birçûbûnê re rû bi rû ne yan jî nêzîkî vê rewşê ne.
Bernameya Alikariya Xwarinê (WFP), girêdayî çavkaniyên di destê xwe de dikare alikariyê bide 4 milyon welatiyan.
Lê belê hê jî 26 milyon welatî hewceyî alîkariyê ne.
Ji ber kêmbûna fonan pakêtên alikariyan tên biçûkkirin, kêm kes distînin û li hin deveran jî ev alîkarî bi temamî tên qutkirin.
Rêxistinên jinan ên li Sûdanê (WLO) alikariyan dibin herêmên çûnûhatina wan zehmet e, li gel dabînkirina alikariya xwarin, tenduristî û stargehan xwedî rokele girîng e.
Lê belê ji ber kêmbûna fonan hin rêxistin neçar mane ku ji niviyê zêdetir alîkariyên xwe kêm bikin.
