Şêniyên taxên Şêxmeqsûd û Eşrefiye yên Helebê û koçberên kantona Efrîn û Şehbayê cenazeyên şervanê QSD`ê şehîd Zagros Botan û endamê Hêzên Ewlekariya Hundirîn şehîd Mihemed Elûş oxir kir û soz da ku li ser şopa şehîdan destkeftiyên wan biparêzin.
Şêniyên taxên Şêxmeqsûd û Eşrefiye, koçberên kantona Efrîn û Şehbayê li goristana Şehîdên Berxwedana Taxên Şêxmeqsûd û Eşrefiye li herêma Şiqeyif cenazeyê şervanê Hêzên Sûriya Demokratîk (QSD) Zagros Botan (Hesen Salih) ê li bajarê Sirînê yê Reqayê şehîd bûye û endamê Hêzên Ewlekariya Hundirîn Mihemed Elûş (Mihemed Musa Hisên) ê 20`ê Tebaxa li Helebê şehîd bûye, oxir kir.
Endamê Meclisa Malbatên Şehîdan Mîdye Efrîn axivî û got: “Her du şehîd ji gel û dozê xwe re, durst û fedakar bûn. Ji bo azadiyê canê xwe feda kir. Wê di bîra her kesî de zindî bimînin.”
Endamê Rêveberiya Hêzên Ewlekariya Hundirîn Zagros Helebê axivî û soz da ewlehiya herêmê li ser şopa şehîdan biparêzin.
Di dawiya merasîmê de wesîqeyên şehadetê yên her du şehîdan hatin xwendin. Piştre girseyê cenazeyên her du şehîdan spartin axê.
