Piştî pêşketina hêzên Rêjîmê li ser riya M5, Tirkiyê nuqteyeke din a çavdêriyê nêzî Seraqib a Idlibê ava dike.
Li gorî dezgehên ragihandinê, Tirkiyê vê nuqteyê li ser riya navdewletî ya Heleb-Şam li gundewarên Rojhilat ê Idlibê çêdike.
Hat ragihandin ku di nava çend rojan de ev nuqteya duyemîn e ku Tirkiyê li Seraqib ava dike.
Bajaroka Seraqib tê bombebarankirin
Ji xwe piştî bidesxistina Meret El-Numan, Rêjîmê berê xwe daye bajaroka Seraqib û bi balafiran wê bombebaran dikin.
Çavêdriya Sûrî ya Mafê Mirovan jî da zanîn ku, “li gundewarê Başûr ê Helebê, Hêzên Rêjîmê bi piştgiriya Mîlîsên Îranê bi pêş ketin û gundê Xalidiyê û bajaroka “Xan Tûman” bi dest xistin.”
Li gorî wê, bi vê yekê hêzên Rêjîmê riya Şam-Heleb dixe bin kontrola xwe.
