Serokwezîrê Alman Friedrich Merz duh got niha ti hevdîtinek di navbera Zelensky û Putin de pêk nayê.
Ev pêşveçûnek bû ku Serokê Amerîkayê Donald Trump ji bo çareserkirina pevçûnê hêvî dikir.
Merz di hevdîtinekê de ligel Emmanuel Macron li ser hewldanên dîplomatîk ên ji bo bidawîkirina şerê li Ukraynayê wiha şîrove kir:
“Divê em îro ji nû ve li ser vê mijarê biaxivin ji ber ku eşkere ye ku hevdîtinek di navbera Zelenskyy û Putin de xuya ye ku pêk nayê.”
Ev ji tiştê ku di navbera Donald Trump û Putin de dema ku em hefteya borî li Washingtonê civiyan li hev kiribûn cuda ye.”
Piştî peywendiyek telefonê bi Putin re di nîvê hefteya borî de, Serokê Amerîkayê Trump ragihand ku serokê Rûsyayê razî bûye ku bi Zelensky re bicive.
Lê belê, Moskowê paşê amadebûna xwe ya bilindkirina asta danûstandinên aştiyê yên dualî yên berdewam nîşan da.
Rûsya bawer dike ku hevdîtinek di navbera her du serokan de tenê di dawiya pêvajoya danûstandinan de, piştî ku peymanek were îmzekirin, dikare pêk were.
Lêbelê, Ukrayna û hevalbendên wê Kremlinê bi polîtîkayek astengkirinê tawanbar dikin.
Amerîkayê firotina çekan a bi qasî 825 milyon dolarî bo ukraynayê pejirand
Her wiha Ajansa Hevkariya Ewlekariya Parastinê (DSCA), ku beşek ji Wezareta Parastinê ya Amerîkayê ye, derbarê pejirandina firotanê de daxuyaniyek nivîskî weşand.
Daxuyanî wiha bû:
“Wezareta Derve biryarek da ku firotina gengaz a “Cebilxaneyên ku ji Hewayê tên Radestkirin” û alavên têkildar, bi lêçûna texmînkirî 825 milyon dolarî, bo hikûmeta Ukraynayê pesend bike.”
Di daxuyaniyê de hat destnîşankirin ku Ukraynayê 3 hezar û 350 moşekên Cebilxaneyên Êrîşê yên Menzîla Dirêj û alavên lihevhatî yên bi van sîsteman re, wekî Sîstemên Pozîsyona Cîhanî, xwestiye.
Hat gotin ku agahdariya fermî ya ji bo firotina pêwîst ji Kongreya Amarîkayê re hatiye şandin.
Her wiha di daxuyaniyê de hat destnîşankirin ku firotin konteynerên moşekan, parçeyên yedek, alavên piştgiriyê, belgeyên teknîkî, perwerde û pêdiviyên lojîstîkê dihewîne.
Wezareta Derve ya Amerîkayê teqez kir ku firotin wê “hevsengiya leşkerî ya bingehîn” li herêmê neguherîne, û got:
“Ev firotin dê bi xurtkirina ewlehiya hevalbendek ku garantiya aramiya siyasî û pêşketina aborî li Ewropayê ye, piştgirîya armancên siyaseta derve û ewlehiya neteweyî ya Amerîkayê bike.”
Hat destnîşankirin ku Ukrayna wê kirînê di bin bernameya Fînansekirina Leşkerî ya Derve ya Amerîkayê de bike.
Ji bo ku firotin biqede, erêkirina dawî ya Kongreya Amerîkayê hewce ye.
