Di nava 50 salên derbasbûyî de, nexweşiyên ji heywanan derbasî mirovan dibe zede bûne.
Ji xwe nîşaneya vê ye herî berbiçav jî vîrûsa Korona ye.
Lê tişta ku tê mereqkirin çi dibe sedema ku ev nexweşî ji nişka ve derbikeve û bi lez belav bibe?
Derbarê van pirsên balkêş de me ev nûçe amade kiriye, em lê temaşe bikin.
Cîhan ji despêka salê ve bi vîrûsa Korona ya derbasî zêdeyî 20 welatî bûyî, dikele.
Di demên dawiyê de belavbûna nexweşiyên ji lawiran ji bo mirov, zêde dibin.
Her çiqasî ev yek bi derketina vîrûsa Korona re ketibe rojevê jî lê ev yek ji demên dirêj ve heye.
Bi taybetî şewbên ku ji lawiran tê û derbasî mirovan dibin, hîn zêdetir metirsiyê çêdikin.
Guherînên ekolojîk ya ku bandora xwe bi awayekî raste rast li ser jiyana lawir û mirovan dike, dide xuyakirin ku wê di dema pêş de ev yek hîn zêdetir bibe.
Li vir pirsa ku tê mereqkirin heywan çawa mirov nexweş dike.?
Di nava 50 salên dawiyê de, şewbeya ku ji heywanan tê û derbasî mirovan dibe zêde bûye.
Mînaka herî dawiyê jî derketina vîrûsa korona ya li bajarê Wuhan yê Çinê ye.
Lê di demên derbasbûyî de jî vîrûsên bi heman rengî derketî hebûn.
Wek:
AIDS
SARS
VÎRÛSA EBOLA
Her çiqasî dema derketina van vîrûsan cuda be jî lê hertim mirov bi vîrûsên ku ji heywanan belav dibe dikeve.
Rewşa ekolojiya ku xera dibe, jiyana heywanan dixe metirsiyê.
Ji ber vê yekê jî heywan, ji bo jiyana xwe li cihên nû digerin.
Ev yek jî dibe sedema ku di şêwazê xwe yê jiyan û komkirina pêdiviyên xwe yên jiyanê de serî li rêyên nû bide.
Ya rast, di nava 50 salên dawiyê de, di şêwazê jiyana mirovan de jî guhertin çêbûn.
Beriya 50 salî ji sedî 35 kes li bajaran jiyan dikirin û ev rêje di roja me ya îro de gihaye ji sedî 55
Piraniya xwe lawirên kûvî yên ji cihana xwe ya daristanî dadikevin, bi xwere jî nexweşiyan tînin.
Lawirên ku dadikevin bajar û navçeyan, lawirên herî zêde ji bo belavkirina nexweşiyan dest dayî ne.
Li welatên ku nêçîra van lawiran dikin û ji goştê wan sûdê dibînin bi xwere jî metirsiya derketina vîrûsê hildigrin.
Balkêşe ku vîrosa Korona jî heman taybetmendiyên belavbûna vîrûsê digre nava xwe.
