Liderên Ewropî ji bo şerê Ukraynayê diçin Amerîkayê û bi Trump re hevdîtinê bikin.
Trump diyar kir ku ew ê di demeke nêzîk de bi Serokê Rûsyayê Vladimir Putin re jî hevdîtinê bike.
Her wiha Zelenskî di axaftina xwe ya bi ABC News re got ku kirîna petrol û gazê ya welatên Ewropî ji Rûsyayê “ne dadperwer e”.
Serokê Amerîkayê Donald Trump ragihand ku hin lîderên Ewropî wê serdana Washingtonê bikin û rêyên berfireh ên dawîanîna şerê li Ukraynayê bigirin.
Trump diyar kir ku ew ê di demeke nêzîk de bi Serokê Rûsyayê Vladimir Putin re jî hevdîtinê bike.
Trump got ku ew amade ne ku derbasî qonaxa duyemîn a cezayên li ser Moskowê bibin.
Serokê Ukraynayê Volodimir Zelenskî jî ev gav wekî “biryareke rast” binav kir û bang li welatên Ewropî kir ku bi temamî kirîna enerjiya Rûsî rawestînin.
Daxuyanî piştî êrîşa hewayî ya herî giran a Rûsyayê li ser Ukraynayê, hatin.
Rûsyayê bi kêmanî 810 balafirên bê mirov û 13 moşekan êrîş kirin û ji bo yekem car avahiya hikûmetê li paytext Kîevê xist.
Zelensky: Kirîna enerjiya rûsî ne adil e, heta ku bazirganî bidome şer naqede
Her wiha Zelenskî di axaftina xwe ya bi ABC News re got ku kirîna petrol û gazê ya welatên Ewropî ji Rûsyayê “ne dadperwer e”.
Zelenskî wiha got:
“Divê tu berhemên enerjiyê ji Rûsyayê neyên kirîn an jî peymanên din neyên çêkirin. Heta ku bazirganî bi wan re bidome, şer naqede.”
Serokê Ukraynayê piştgirî da plana rêveberiya Trump a ku cezayên duyemîn û tarîfên zêde li ser welatên ku bi Rûsyayê re bazirganiyê dikin ferz bike.”
Li gorî saziya lêkolînê CREA, Rûsyayê ji destpêka dagirkirina sala 2022’yan ve ji firotina petrol û gazê nêzî 985 milyar dolar dahatî bi dest xistiye.
Kiryarên herî mezin Çîn û Hindistan bûn. Yekîtiya Ewropî kirînên xwe gelek kêm kir, lê bi temamî rawestandiye.
Bruksel plan dike ku heta sala 2027’an kirîna enerjiya Rûsî bi temamî bi dawî bike.
Meha borî, Amerîkayê ji ber ku Hindistan berdewam kir ku petrolê Rûsî bikire, ji îthalata ji Hindistanê re bacên gumrikê yên ji sedî 50 ferz kir.
Delhî jî ragihand ku ji bo berjewendiyên aborî yên gelê xwe wê “peymanên herî baş” berdewam bike.
Di heman demê de, Rûsyayê biryar da ku şandina gazê ji bo Çînê zêde bike.
Wezîrê Xezîneyê yê Amerîkayê Scott Bessent, di axaftina xwe ya bi NBC re got ku ew ji Ewropayê jî piştgirî ji bo cezayên duyemîn hêvî dikin û wiha got:
“Eger Ewropa jî vê gavê bavêje, aboriya Rûsyayê bi temamî têk diçe û ev yek dê Putinê neçar bike ku li ser maseya danûstandinan rûne.”
Bessent, ev pêvajo wekî “pêşbaziyek di navbera wê yekê de ku artêşa Ukraynayê çiqas dikare li ber xwe bide û aboriya Rûsyayê çiqas dikare li ser piyan bimîne” binav kir.
