Endamê Akademiya Zanistên Civakî ya Abdullah Ocalan Dûran Kalkan behsa pêvajoya heyî kir.
Dûran Kalkan da zanîn ku eger hûn çareseriyê dixwazin, ev yek bi Rêber Apo destpê dike.
Kalkan diyar kir ku bi siyaseta mijûlkirinê re cewhera çareseriyê tê pûçkirin û got: ”Divê nêzîkatiyeke rast ji bo Rêber Apo bê nîşandan û azadiya wî ya fîzîkî pêk bê”.
Endamê Akademiya Zanistên Civakî ya Abdullah Ocalan Dûran Kalkan di bernameya taybet a Medya Haber TV de tecrîda li Îmraliyê, biryara Dadgeha Mafên Mirovan a Ewropayê ya li ser binpêkirina ‘mafê hêviyê’,
Helwesta gengaz a Komîteya Wezîran a Konseya Ewropayê ya li ser vê mijarê û karên komîsyona li meclîsê nirxand.
Dûran Kalkan da zanîn ku Mifteya çareseriyê azadiya fîzîkî ya Rêber Apo ye û got:
Bi banga dîrokî ya 27’ê Sibatê ya Rêber Apo re gavên dîrokî hatin avêtin ku nedihat bîra kesî, kesî jê bawer nedikir.
“Biryara komîteya wezîran wê helwesta Yekîtiya Ewropayê diyar bike”
Kalkan diyar kir ku Komîteya Wezîran a Ewropayê 10 salan biryara Dadgeha Mafên Mirovan rawestand, ji nedîtî ve hat û wiha domand:
Par ji nişka ve hate bîra wê. Piştî ku deh sal tijî kir, hat bîrê? Ji xwe 25 sal derbas kir; Rêber Apo 2 sal in bêhiqûqî li wir tê ragirtin.
Dibêjin, ‘Hiqûq’; li gorî hiqûqa wan jî divê girtî nemîne. Yanî dîlgirtina dîlgirtîbûnê ye. Rewşa heyî bi vî rengî ye.
Em rewşa hiqûqî dişopînin. Gel dişopîne. Kurd gelekî bi hestiyarî û berpirsyarî nêzîk dibin.
“Divê mirov timî di nava çalakiyan de bin”
Dûran Kalkan wiha anî ziman:
Dema azadiya fîzîkî ya Rêber Apo hatiye, derbas jî bûye.
Ev ne daxwazeke ji rêzê ye; daxwazeke ku divê di cih de bê pêkanîn.
Lewma daxwazeke welê ye ku divê ji bo wê timî çalakî bêne lidarxistin.
“Komîsyon bi halê hazir cewhera vî karî vala dike”
Dûran Kalkan diyar kir ku komîsyonê bendewariyek afirand û weke ku tê xwestin, nebû û dibêje:
Navê xwe ‘Komîsyona Demokrasî, Xwişk-Biratî û Piştevaniya Mîllî’ ye.
Lê belê li ser demokratîkbûnê nasekine.
Ji bo vê yekê pêwîstî bi avakirina komîsyonekê nîne.
Ev yek valakirina cewhera meseleyê ye. Pûçkirina pêvajoyê ye. Bi vî rengî nabe.
“Divê êdî Rêber Apo derbasî asta danûstandinan bibe”
Kalkan anî ziman ku Rêber Apo xwest, ev nêzîkatî bêne sererastkirin, helwest bê zelalkirin û her kes helwesta xwe bi eşkere nîşan bidin û got:
Heta niha rêberê Apo nikare biçe komîsyonê û ne diyar e bê wê hevdîtinê bikin an na.
Niha weke aliyê PKK’ê, weke aliyê Kurd, tiştên divê bêne kirin me di dema herî zû û bi lez de kir.
“Divê nêzîkatiyeke rast li muzakerevanê sereke Rêber Apo bê nîşandan”
Di dawiyê de Dûran Kalkan wiha bi lêv kir:
Rêber Apo 27 sal in girtî ye. Du sal in ji aliyê hiqûqî ve qet sûcê xwe nîne cezayê lê hatiye birîn qediya ye.
Em xwe bi zorê disekinînin; dikarim vê bibêjim. Em bi sebir tevdigerin.
Divê nêzîkatiyeke rast ji bo Rêber Apo bê nîşandan.
Weke rêberê 60 milyon Kurdî, weke nûnerê wan ê siyasî, weke muzakerevanê sereke li wir e.
Ne mirovekî ji rêzê ye. Wê demê divê rast nêzîkatî jê re bê nîşandan.
