Ji sibehê ve êrîşên ku artêşa Îsraîlê li deverên cihê yên Şerîda Xezayê pêk anîne, di encamê de 28 Filistînî jiyana xwe ji dest dan.
Her wiha Neteweyên Yekbûyî ragihand ku bi deh hezaran Filîstînî bi neçarî koçberiyê dibin.
Ji sibehê ve êrîşên ku artêşa Îsraîlê li deverên cihê yên Şerîda Xezayê pêk anîne, di encamê de 28 Filistînî jiyana xwe ji dest dan.
Li gorî agahiyên ku ajansa fermî ya Filistînê WAFA ji çavkaniyên tenduristiyê standine, artêşa Îsraîlê, bi taybetî li bakurê Xezayê, konên koçberan, kesên li benda alîkariyê bûn kirine armanc.
Di encama êrîşên artêşa Îsraîlê yên li bakur û başûrê Xezayê de, cenazeyên 14 kesên ku jiyana xwe ji dest dan.
Çavkaniyên nexweşxaneyê gotin ku di êrîşên Îsraîlê de gelek kes jî birîndar bûne.
Di nûçeyekê ya di ajansa fermî ya Filistînê WAFA de, hate gotin ku niştecihên Cihû, di bin parastina artêşa Îsraîlê de, li gundê Farha yê girêdayî bajarê Selfîtê êrîşî Filistîniyan û milkên wan kirine.
Di nûçeyê de hate ragihandin ku Îsraîliyan, 10 malbatên Filistînî yên ku li baxçeyên zeytûnê dahatê dikirin, bi zorê ji axa xwe derxistine.
NY: Li Xezayê bi deh hezaran Filistînî bi neçarî koçber dibin
UNRWA (un-er-wa), ragihand ku li Şerîda Xezayê ya di bin êrîşên Îsraîlê de bi deh hezaran Filistînî neçar dimînin ku bi domdarî koçber bibin.
Di daxuyaniya ku ji platforma medyaya civakî X’ê ya UNRWA hatibû kirin de, bal hat kişand ser koçberiya neçar a li Xezayê.
Di daxuyaniyê de hate gotin divê agirbest Şerîda Xezayê were ragihandin, û hate bangawazî kirin ku astengiyên li pêşiya gihîştina alîkariya mirovî bêne rakirin.
Li Xezayê nifûsa wê nêzîkî 2,3 milyon e, tê gotin ku hejmara kesên ji ber êrîşên Îsraîlê û fermanên koçberiyê ji cihên xwe hatine derxistin gihîşt 2 milyonî, û gelek kes gelek caran ji cihên xwe hatine derxistin.
