Artêşa Îsraîlê doh û îro êrişên hewayî li ser başûrê Lubnanê pêk anî. Di êrişê de 2 endezyar hatin kuştin.
Li gor Îsraîlê sedema êrişê hebûna Hizbullahê li heremê ye.
Li aliyê din Amerîka ji bo bêçekkirina Hizbullahê bi qasî 230 milyon dolarî da hikumeta Lubnanê.
Ev yek, di wê demê de ku Îsraîl ji armanckirina bingehên leşkerî yên Hizbullahê ber bi armanckirina saziyên girêdayî rêxistinê ve diçû, rageşî derbasî qonaxek nû dibe.
Li gorî agahiyan, ev du endezyar, ji bo şirketa Meamarê ku Amerîka di sala 2020’an de bi “milk an rêveberiya Hizbullahê” tawanbar kiribû, ji bo lêkolîna zirarên êrîşên hewayî yên berê di kar de bûn.
Îsraîl, li Başûrê Lubnanê li gundê nebatiye El-Fevka armanc kir
Her wiha balafîrên şer ên Îsraîlê, îro serê sibehê, li gundê Nebatiye el-Fevka yê li başûrê Lubnanê, êrîşên hewayî pêk anîn.
Ev êrîş, li taxa nêzîkî armancên li ser wan, agirên fireh û zirarên li malan çêkirin.
Li gorî Ajansa Nûçeyên Neteweyî ya fermî ya Lubnanê, balafîrên şer ên Îsraîlê di dema şevbûyînê de, li taxa bakur a derve ya gundê Nebatiye el-Fevka yê li Lubnanê Başûr, êrîşên hewayî yên tund kirin.
Li gorî Ajansa Nûçeyên Neteweyî, balafîrên şer ên Îsraîlê “çend mûşekên lerizînê avêtin û teqînên wan, bûn sedema teqînek mezin ku li herêmên cihê yên li başûr deng vedaye û agirên mezin çêkir.
Amerîka ji bo bêçekkirina hizbullahê 230 milyon dolar da Lubnanê
Li aliyê din çavkaniyên li Washington û Beyrûtê ragihandin ku rêveberiya Trump vê hefteyê 230 milyon dolar ji bo hêzên ewlehiyê yên Lubnanê wekî beşek ji hewildanên xwe yên ji bo bêçekkirina Hizbullahê veqetandiye.
Çavkaniyek Lubnanî ku bi biryarê agahdar e diyar kir ku 190 milyon dolar ji budçeyê ji bo Hêzên Çekdar ên Lubnanê û 40 milyon dolar jî ji bo Hêzên Ewlekariya Navxweyî hatine veqetandin.
Endamên Demokrat ên Kongreyê diyar kirin ku budçe berî ku sala darayî ya Washingtonê di 30’ê Îlonê de biqede hatiye belavkirin.
