Endama Tevgera Azadiyê ya Kurdistanê Hêlîn Umît anî ziman ku beşdarbûna QSD’ê di nava diyalogên bi hikûmeta veguhêz re pir girîng e.
Hêlîn Umît diyar kir ku divê gelên Sûriyê bi hev re bijîn û sîstemek hevpar were avakirin û got: ”Divê artêşa jinê YPJ hebûna xwe bidomîne, yekîtîya xwe biparêze”.
Endama Tevgera Azadiya Kurdistanê Hêlîn Umît di nava axaftinên xwe de behsa pêşketinên li Rojava jî kir.
Hêlîn Umît anî ziman ku daxuyaniya Fermandara YPJ’ê Rohilat Efrin Mazlûm Ebdî, Sîpan Hemo û Salih Muslîm balkêş bûn gotin, “Tirkiye ne di nava vê pêvajoya diyalogê de ye.”
Hêlîn Umît: Beşdarbûna nava diyalogê pir girîng e
Hêlîn Umît da zanîn ku beşdarbûna nava diyalogê pir girîng e û got:
Hevdîtin, naskirina îradeya hev û nîqaşkirin pir girîng e.
Di vê wateyê de, ez vê yekê erênî dibînim.
Hem ji aliyê îdeolojîk û hem jî ji aliyê siyasî ve guman û fikarên me li hemberî hikûmeta heyî ya Şamê hene.
Lê hevdîtinên hêzên herêmî yên li wir bi QSD re berdewam dikin.
Hêlîn Umît: Tirkiyê bi israr dixwaze Kurdan bêparastin bihêle
Hêlîn Umît li Tirkiyê pêvajoyek heye, li Rojava ev pêvajo bi parelel tê meşandin û wiha bi lêv kir:
Tirkiyê bi israr hewl dide ku pêvajoya li Tirkiyê bi vê ve girêbide.
Lê her kes di nav vê gengeşiyê de û ew qas şer heye, dixwazin Kurd bêparastin bimînin. Ev xala herî zêde bala min kişand.
Tevahiya cîhanê, Rojhilata Navîn çekdar dibe. Eşkere ye ku ji bo tiştekî amadekariyê dikin.
Li Tirkiyê jî heye, li Îsraîlê jî heye, li Îranê jî heye, li Rûsyê jî heye. Her kes di nava amadekariyeke wisa de ne.
Ev nîşan dide ku şerê li Rojhilata Navîn wê berdewam bike.
Hêlîn Umît: Divê gelê Sûriyê bi hev re bijîn û sîstemek hevpar were avakirin
Hêlîn Umît dibêje, Di vê wateyê de, çarçoveya ku hatiye danîn divê entegrastona QSD’ê di nava tevkariyekê de bê kirin.
Ev xaleke girîng e. Belê, divê gelên Sûriyê bi hev re bijîn. Divê sîstemeke hevpar were avakirin.
Lê ev ne li ser bêçekkirina Kurdan, divê li ser avakirina jiyaneke hevpar were avakirin.
Hêlîn Umît: Divê artêşa jin YPJ’ê hebûna xwe bidomîne
Tiştê ku Fermandara YPJ Rohilat Efrin got jî pir girîng bû.
Yanî wekî artêşa jinê YPJ hebûna xwe bidomîne, yekîtîya xwe biparêze.
Ji ber ku em dizanin ku zîhniyeta DAÎŞ’ê pêşî li jinan dixe, êrîşî jinan dike, wan dikuje û destdirêjî dike û ev yek bi awayekî ku demên destpêkê tîne bîra mirov diqewime.
Niha, bêyî gavên demokratîk, bêyî demokratîkbûnê û bêyî bingehek qanûnî, hêzên parastinê, bi taybetî jin, divê yekparebûna xwe biparêzin. YPJ wê pêşengiya vê yekê bike.
Hêlîn Umît: Heval Bêrîtan bû jiyana hemû jinên ciwan
Hêlîn Umît şehîd Bêrîtan, Gulnaz Karataş û hemû hevrê û şervanên jin ên ku ji bo jiyaneke azad şehîd bûn bi rêzdarî û minetdarî bi bîr anî û got:
Heval Bêrîtan sembola artêşa me ya jinan e.
Divê ev were eşkerekirin. Şoreşa Jin Jiyan Azadî şoreşek e ku tê de jin azad dibin, bi azadî dijîn û dihêle yên din jî bi azadî bijîn e.
Û ev şoreşê tenê li ser xeta şehîd Bêrîtan bi pêşxistina xweparastina jinê, xweparastin xwe, ew xwe ji welatê xwe azad dikin, ew azad dibin û her ku ew azad dibin, ew xweşiktir dibin û tê hezkirin.
