Endamê Konseya Rêveber a KCK’ê Mistefa Karasû diyar kir bi gava dawî ya ku avêtin pêvajo zindî kirin û, dewlet û desthilatê teşwîqî gavavêtinê dikin.
Karasû dibêje, “Kes nikare vê pirsgirêkê bêyî Rêber Apo çareser bike. Rewşa heyî ya Rêber Apo niha mijara herî krîtîk e. Divê qanûnên entegrasyona demokratîk pêk werin.”
Endamê Konseya Rêveber a KCK’ê Mistefa Karasu di bernameyeke taybet ya Medya Haber TV de Pêvajoya Aştî û Civaka Demokratîk û vekişîna gerîla ya ji Tirkiye û Bakurê Kurdistanê nirxand.
Mistefa Karasû: Ji bo serketina pêvajoyê beşeke hêzên gerîla ji Bakur vekişiyan
Karasû diyar kir bi destpêkirina pêvajoyê re wan heta niha di çarçoveya bangên Rêber Apo de gelek gav avêtin û wiha axivî,
“Beşek hêzên me yên gerîla ji Bakur vekişiyan. Ji bo serketina vê pêvajoyê, nîqaşên li ser xitimandinê tên kirin derbas bikin û îradeya xwe ya çareseriyê deynin holê me pêwîstî bi gaveke bi vî rengî dît.
Bi rastî ev gav ji bo îradeya me ya ku pêvajoya Aştî û Civaka Demokratîk bi ser bixîne hate avêtin.
Di vî alî de ev pêvajo biryardarî û nêrîna me nîşan da. Me PKK’ê fesix kir û dawî li têkoşîna çekdarî anî. Bi vî awayî me îradeya xwe careke din danî holê. ”
Mistefa Karasû em dewlet û desthilatê teşwîqî gav avêtinê dikin
Karasû anî ziman bi avêtina gavên yek alî ew hewl didin derfeta ku dewlet û desthilata AKP-MHP’ê gavan bavêjin biafirînin û zemîna wê ava bikin û wiha dewam kir,
“Bi rastî jî bi vê gava ku me avêt me pêvajo zindî kir, dewlet û desthilatê teşwîqî gavavêtinê dikin û dihêlin ku rola xwe bilîzin.
Jixwe Rêber Apo ji destpekê ve nêzîkatiyeke maqûl nîşan dide û anî heta vê rojê.”
Mistefa Karasû: Ji ber nêzîkatiyên desthilatê hêvî di civakê de ava nebûye
Mistefa Karasû destnîşan kir ji ber nêzkatiyên dewlet û desthilatê hêviyek bi civakê nehatiye çêkirin û neketiye nava hewldaneke ku gelê Kurd bi hemû hêza xwe piştgiriyê bide vê pêvajoyê.
“Di vî alî de dudilî û metirsî hene. Lê em wekî tevgereke şoreşger û siyasî nikarin metirsî tevbigerin. Em tişta rasrt çi ye wê heta dawiyê dimeşînin. Em tedbîr digirin û bi baldarî nêzîk dibin.
Mistefa Karasû: Divê şertên fesixkirina PKK’ê û biryarên kongreyê werin bi cih anîn
Me PKK’ê fesix kir û dawî li têkoşîna çekdarî anî. Divê şertên van biryaran bên bicihanîn.”
Karasû diyar kir ji ber siyaseta înkarê ya dewleta Tirk di navbera Kurd û Tirkan de qutbûn heye û Kurd weke dewleta xwe nabînin û dibêje,
Mistefa Karasû: Divê qanûnên entegrasyona demokratîk pêk werin
“Qanûnên ku Rêbertî dibêje “entegrasyona demokratîk” ji bo ji holê rakirina vê qutbûnê ye.
Em bawer dikin ku ev ê bi qanûnên entegrasyona demokratîk pêk werin. Ne wisa be, ev pirsgirêk wê çawa were çareserkirin? Ne tenê pirsgirêka çekan e! Ji ber ku pirsgirêkek wisa hebû em derketin holê.”
Mistefa Karasû: Êdî ne dema axaftinê ye, dema gav avêtinê ye
Mistefa Karasû anî ziman gava ku hate avêtin kes nikare reş bike û li dijî wê derkeve û got, Niha ne dema gotinê, dema kirinê ye.”
Mistefa Karasû: Kes nikare pirsgirêkê bê Rêber Apo çareser bike
Karasû mijara mafê hêviyê jî nirxand û diyar kir di çareserkirina pirsgirêkê de Rêber Apo xwedî roleke girîng e û got,
“Kes nikare vê pirsgirêkê bêyî Rêber Apo çareser bike. Rola Rêber Apo di serketina vê pirsgirêkê de diyarker e. Ji ber vê yekê, divê şert û merc biguherin. Rewşa heyî ya Rêber Apo niha mijara herî krîtîk e.”
