Rêber Apo ji mîtînga Kolnê re peyam şand.
Rêber Apo di peyama xwede dibêje, “Tevî hemû hewldanên me hêviya ku nîvî maye, îro bi gavên me yên Aştî û Civaka Demokratîk ji nûve geş dibe û her diçe jiyanî dibe.”
Her wiha dibêje, “Hem li Sûriyê û hem jî li her devera Rojhilata Navîn, ji bo Kurd bêyî ku ji hebûn û azadiya xwe tawîz bidin, bi tevahî bawerî û gelan re bi awayekî wekhev, azad û aştiyane bijîn û divê ji vê re pêşengiyê bikin”
Rêber Apo ji mîtînga Kolnê re peyam şand.
Rêber Apo: Azadiya min ji azadiya gelê Kurd û gelên Tirkiyê cuda nîne
Rêber Apo di peyama xwe diyar kir ev meşa mezin ya Kolnê ne tenê ji bo azadiya wî lê gaveke mezin ya ji bo têkoşîna gelê Kurd ya çareseriya demokratîk û aştiya bi rûmet e û wiha dibêje,
“Hûn hêvî, wêrekî û bîryardariyê tevlî Pêvajoya Aştî û Civaka Demokratîk ya ji nûve geş dibe, dikin.”
Azadiya min ji demokrasiya gelê Kurd û gelên Tirkiyê û azadiya wan ya hevpar cuda nîne.
Azadî tê wateya azadiya ji bo aştiyê, demokrasiyê û hemwelatiya wekhev.
Bi vê meşê re li ser bingeha îradeya ku em hewl didin pêş bixin, hûn daxwaza me ya azadî, demokrasî û çareseriyê ji hemû cîhanê re radigihînin.”
Rêber Apo: Hêviya nîvî maye îro ji nûve geş dibe
Rêber Apo destnîşan kir hewldanên aştî û diyalogê tevî astengiyan jî ku ji sala 1993’an ve didomînin, nîşan da ku li ser vê xakê xwişk û biratî pêkan e û wiha dewam kir,
“Tevî hemû hewldanên me jî hertim hêvî di nîvê rê de hat hiştin, lê îro bi vê gava me ya Aştî û Civaka Demokratîk, ji nû ve bi ruh û gewde dibe.
Ya rastî, ev pêvajo ji pêvajoya şoreşê ya negatîf derbasbûna pêvajoya şoreşê ya pozîtîf e. Divê ev karekterê pêvajoyê weke rastiyeke gerdûnî û dîrokî were fêhmkirin.
Li ser diyardeya Kurd û têkoşîna wî awayekî nehuqûqî hat ferzkirin, em niha derbasî zemînê huqûqî dibin û em ê li ser vî bingehî têkoşînê bikin.
Bi vê meşa we ya bi qîmet wê têkoşîna çareserî û aştiyê bi pêş bikeve û bipişkive.”
“Ji bo Kurd bi awayekî destûrî bên qebûlkirin pêdivî bi demokratîkbûna Tirkiyê heye”
Rêber Apo di dawiyê de diyar kir ji bo gelê Kurd bi awayekî destûrî li cem Komarê were qebûlkirin û hebûna xwe weke hemwelatiyekî wekhev li ser zemînekî demokratîk bidomîne, pêdivî bi siberojeke demokratîk a Tirkiyê heye û dibêje,
Rêber Apo: Li Sûriyê û Rojhilata Navîn divê Kurd bibin pêşengê jiyana azad û aştiyê
“Hem li Sûriyê û hem jî li her devera Rojhilata Navîn, ji bo Kurd bêyî ku ji hebûn û azadiya xwe tawîz bidin, bi tevahî bawerî û gelan re bi awayekî wekhev, azad û aştiyane bijîn û divê ji vê re pêşengiyê bikin.
Em vî dengê we yê li Ewropayê bilind dibe dibihîsin û em dizanin ku muxateb hemû vî dengî dibihîsin.
Ji ber ku hûn ji ber kirinên antî-demokratîk neçar mane derkevin derveyî welêt, hûn wijdanê çareserî û aştiyê ne.
Her hewldana we, gaveke ji bo xwişk-biratî û aştiyê hatiye avêtin.
Ez yeqîn dikim ku bi vê îradeya we, gelê Kurd û bindest hemû, wê bigihîjin siberojeke azad û demokratîk.
Ez we hemûyan bi hezkirin û hurmeteke naqede, herûher silav dikim.”
