Nîqaşên Îran û Amerîka ji bo danûstandinan hîna jî dewam dike.
Wezîrê Derve yê Îranê Abbas Eraqçi diyar kir ku ji nû ve destpêkirina danûstandinên nukleerî bi Amerîkayê re niha ne gengaz e.
Abbas Eraqçi li Tehranê ji çapemeniyê re axivî û got:
“Niha îhtîmala danûstandinan bi DYA re tune ye ji ber ku em nêzîkatiyek erênî an avaker ji Amerîkayê nabînin.”
Eraqçi diyar kir ku ji nû ve destpêkirina danûstandinên nukleerî wê gengaz be ger aliyê Amerîkî “ji bo danûstandinek li ser bingeha wekhevî û peymanek sûdmend a hevbeş amade be.”
Pêvajoya danûstandinên nukleerî ya di navbera Îran û DYA de, ku di meha Nîsanê de dest pê kir, piştî êrîşên li ser Îranê ji hêla Îsraîl û Amerîkayê ve hate qut kirin.
Hewldanên paşê ji bo ji nû ve destpêkirina danûstandinan, bi navbeynkariya Umanê, ji ber daxwazên Amerîkayê ku Îran bi tevahî çalakiyên xwe yên dewlemendkirina uranyûmê rawestîne û bernameya xwe ya mûşekî sînordar bike, têk çûn.
