Artêşa Îsraîlê êrîşî Beyrut baytexta Lubnanê kir û di encamê de 5 kes hatin kuştin û 28 kes jî birîndar bûn.
Îsraîl jî ragihand ku wan fermandarê beşa leşkerî yê Hizbullahê li Beyrutê kuştiye.
Wezîrê Parastinê yê Îsraîlê Yisrael Katz diyar kir ku êrîşên li ser Lubnanê, heyaji navbirina gefên li dijî Îsraîlê berdewam bikin.
Artêşa Îsraîlê, êrîşek hewayî li ser navçeya Dahiya ya Beyrûtê, da destpêkirin.
Di êrîşê de 5 kes hatin kuştin û 28 kes jî birîndar bûn.
Berdevkê Artêşa Îsraîlê Avichay Adraee li ser hesabê xwe ya X’ê diyar kir ku wan êrîşeke li ser navçeya Dahiya ya Beyrûtê daye destpêkirin.
Adraee îdia kir ku artêşa Îsraîlê di êrîşa li ser Dahiyayê de kesayetekî payebilind ê Hizbullahê hedef girtiye.
Ajansa nûçeyan a fermî ya Lubnanê ragihand ku di êrîşên li ser navçeya Dahiyayê de gelek kes birîndar bûne û ziyana madî çêbûye.
Hat ragihandin ku avahiyek bi 3 roketan hatiye hedefgirtin û gelek ambulans ji bo herêmê hatine şandin.
Endamê Konseya Siyasî ya Hizbullahê Mehmûd Kumatî piştrast kir ku kesayetekî payebilind ê sereke di êrîşa Îsraîlê de hatiye hedefgirtin.
Rayedarên Îsraîlî îdîa kirin ku Elî Taba-tabai, kesayetekî payebilind ê Hizbullahê ye ku di êrîşê de, hatiye kuştin.
Wezareta tenduristiyê ya Lubnanê: Di êrîşê de 5 kes mirin, 28 kes birîndar bûn
Wezareta Tenduristiyê ya Lubnanê di daxuyaniyek nivîskî de diyar kir ku, li gorî agahiyên destpêkê, di êrîşê de 5 kes mirine û 28 kes birîndar bûne.
Her wiha wezaretê da zanîn ku ji dema êrîşê ve, balafirên bêmirov li ezmanên Beyrûtê difirin.
Netenyahu: Fermandarê baskê leşkerî yê Hizbullah hatiye kuştin
Li gel vê yekê Ofîsa Serokwezîrê Îsraîlê îdia kir ku kesayetek ku tê bawerkirin fermandarê baskê leşkerî yê Hizbullahê ye di êrîşa li ser Beyrûtê de hatiye kuştin.
Hat ragihandin ku Serokwezîrê Îsraîlê Binyamîn Netanyahu piştî şêwirmendiya bi Serfermandarê Giştî Eyal Zamîr û Wezîrê Parastinê Yisrael Katz re fermana êrîşê daye.
Medyaya Îsraîlê îdia kir ku êrîşê Elî Taba-tabai, kesayetek payebilind ê Hizbullahê ye di lîsteya cezayên Amerîkayê bû.
Wezîrê Parastinê yê Îsraîlê Yisrael Katz, di daxuyaniyekê de li ser êrîşê gef xwar û got:
“Her kesê ku destê xwe li dijî Îsraîlê bilind bike, destê wî dê were birîn.”
Katz diyar kir ku êrîşên li ser Lubnanê, heyanî ji navbirina gefên li dijî Îsraîlê berdewam bikin.
“Erkên hesas û kritîk yên ku tabatabai girtine ser xwe”
Tabatabai, di sala 1968’an de ji dayik bûye, bavê wî Îranî û dayika wî jî Lubnanî ye.
Tê gotin ku Tabatabai di ciwaniya xwe de tevlî Hizbullahê bûye, û li gorî medyaya Lubnanî, navê wî cara yekem di sala 2015’an de piştî ku li Quneytra, Sûriyê, di êrîşek Îsraîlê de sax filitî, hat zanîn.
Di 26’ê Cotmeha 2016’an de, Wezareta Derve ya Amerîkayê Heysem Elî Tabatabai wekî “terorîstekî cîhanî” bi nav kir.
Li gorî Wezareta Derve ya Amerîkayê, rolên Tabatabai hem li Yemen û hem jî li Sûriyê beşek ji hewldanên berfireh ji perwerde kirina endam, alav û personel dabînkirin ji bo rêxistina Hizbullah da ku piştgiriyê bidin çalakiyên bêîstîqrarkirina herêmê.
