Di êrişên Rûsyayê li ser Ukraynayê de herî kêm 6 kes mirin û gelek kes jî birîndar bûn.
Di êrişan de 98 balafirên bê mirov hatine karanîn, li çend herêman şewat derket.
Her wiha Ukrayna jî li Moskowê li santralek termîkê xist.
Di êrişên Rûsya yên li ser Ukraynayê de bi kêmanî 6 kes jiyana xwe ji dest dan.
Ukrayna jî li Moskowê li santraleke termîkê xist û bû sedema derketina agir.
Li gorî daxuyaniya rayedarên herêmî ya ku roja Yekşemê hat dayîn, di êrişên Rûsyayê yên bi şev li ser Ukraynayê de bi kêmanî 6 kes jiyana xwe ji dest dan û 36 kes jî birîndar bûn.
Hêzên Rûsya şeva borî bi 98 balafirên bêmirov, ku 60 ji wan cureyê Şahed bûn, êrişî Ukraynayê kirin.
Li gorî Hêzên Çekdar ên Ukraynayê, ji van 69 hatin xistin an jî hatin astengkirin.
Tevî hewldanên parastinê jî 27 drone li 12 cihan bûn armanc.
Her wiha hêzên Rûsya gelek roketavêj û bombeyan bi kar anîn.
Li gorî rayedarên herêmî, li bajarê Dnipro yê navenda Ukraynayê di avahiyekê de ku bûbû armanca êrişa drone yan bi kêmanî 15 kes birîndar bûn.
Polîs ragihand ku piştî êrişa bi şev, niştecihên bajêr 61 bûyerên zirara madî ragihandin.
Hat gotin ku hêzên ewlekariyê ji bo belgekrina encamên bombardûmanê li cihê bûyerê dimînin.
Li gorî şaredarê bajêr, bi giştî 5 xanî zerar dîtin. Nêzîkî 200 pencere şikestin û banê avahiyekê jî zerar dît.
Dnipro, Odesa, Zaporjiya bûn armanca êrişên Rûsyayê
Pispor niha ji bo diyarkirina asta tam a wêraniyê, avahiya neh-qatî ya ku herî zêde bandor bûye dinirxînin.
Li gorî parvekirina Waliyê heremê Ivan Fedorov a li ser Telegramê, Zaporijya jî bû armanca balafirên bêmirov.
Di êrişên li vir de 2 kes jiyana xwe ji dest dan, ji ber ku drone li avahî û xaniyan ketin, 6 kes birîndar bûn.
Li gorî ragihandina Karûbarê Awarte yê Dewletê yê Ukraynayê, li bajarê benderê yê başûr Odesa yê ku pir caran rastî êrişan tê, tîmên awarte piştî ku hêzên Rûsya roja Yekşemê li tesîsên enerjîyê xistin, agirekî vemirandin.
Hat ragihandin ku drone yên Rûsya li binesaziya enerjîyê ya krîtîk û avahiyekê pîşesazî jî xistin.
Karûbarê Awarte yê Dewletê yê Ukraynayê diyar kir ku piştî êrişa Rûsyayê ya bi şev li herêma Sumyê, tîmên agirkujiyê bi agir re têkoşîn û agirkujek birîndar bûye.
Ji ber ku mûşekek li yekîneya agirkujî û rizgarkirinê ya li herêma Şostka ket, avahiyekî derdorê û alav zerar dîtin.
Karmendekî rizgarkirinê rakirin nexweşxaneyê.
Li cihekî din ê herêmê jî êrişa balafira bêmirov a Rûsyayê di avahiyekê de bû sedema derketina agir û tîman paşê agir vemirandin.
