Li Hong Kongê di daîreya 8 blokî de şewat derket.
Di şewatê de 55 kes mirin û ji 279 kesan agahî nayên girtin.
Ji berpirsên şîrketê yên avahiyê 3 kes hatin binçavkirin
Doh li Hong Kong’ê di daîreya 8 blokî de şewat derket.
Di encama vê şewatê de hejmarek mirî û birîndar çêbûn.
Li gor daxuyaniya beşa agirkujiyê ya herêmî, heta niha di şewatê de 55 kes, di nav de agirkujek jî, jiyana xwe ji dest dan.
DI ŞEWATÊ DE 55 KES MIRIN Û JI 279 KESAN AGAHÎ NAYÊN GIRTIN
http://doc.afp.com/86AT9NQ
Ji birîndarên ku rakirin nexweşxaneyê rewşa 45 kesan hêj di xetereyê de ye.
Tê texmînkirin ku li avahiyê nêzîkî 4 hezar kes lê dijîn.
Ji 7 blokên ku şewatê girtine 3 blok hatine kontrolkirin, lê di 4 blokan de şewat hêj didome.
Ji 279 kesan hêj agahî nayên girtin, 26 tîmên agirkujiyê xebatên vemirandina şewatê didomînin.
JI BERPIRSÊN ŞÎRKETÊ YÊN AVAHIYÊ 3 KES HATIN BINÇAVKIRINHer wiha Rayedarên polîs, di çarçoveya şewatê de, rêveberê duyemîn ên şirketa înşaetê ya tamîratê dike û endezyarê şêwirmend, bi gumana “kuştina bi qesdî 3 kes binçav kirin.
Tê gotin ku îskele û darên bambûyê yên ji bo tamîratê û maddeya plastîk a kefê ya ku pencere girtibûn, di belavbûna lez a şewatê de bi bandor bûne.
Rayedarekî polîsê got:
“Sedemên me hene ku em bibêjin berpirsiyarên şirketê di bûyerê de xemsariyeke giran kirine û ev yek bûye sedema belavbûna lez a şewatê û windabûna gelek jiyanê.”
Wezîrê Ewlekariyê Chris Tang jî di daxuyaniya xwe de diyar kir ku belavbûna lez a şewatê ne asayî ye û ev yek bi piranî ji ber maddeya kefê plastîk e û wiha got:
“Me dît ku maddeya ku dîwarên avahiyê pê hatiye nixumandin, torên li dora îskeletê û mûşembaya avnegir, dema dişewitin agir ji ya ku divê li gor standardan be zûtir belav dibe.”
LI HONG KONGÊ HIŞYARIYA ASTA 5’EMÎN HATE DAYÎN
Li gel vê yekê li Hong Kongê ku ji bo şewatan pergala 5 astî tê bikaranîn, piştî 17 salan cara yekem hişyariya asta 5’emîn hate dayîn.
Rayedaran ragihandin ku 2 daîreyên derdorê jî hatin valakirin û nêzîkî 900 welatî yên ji şewatê bandor bûne li 8 stargehên demkî bi cih bûne.
Rayedaran diyar kirin ku zêdetirî 140 wesayîtên agirkujiyê û zêdetirî 800 personelên tenduristî û agirkujiyê hatine şûna bûyerê.
Wezareta Veguhestinê ragihand ku ji ber şewatê rêyên derdorê ji çûnûhatinê hate girtin.
SEROKDEWLETÊ ÇÎNÊ ŞÎ CÎNPÎNG JI SERSAXÎ JI MALBATÊN QURBANIYAN RE XWEST
Her wiha serokê Çînê Şî Cinping, ji bo kesên di şewatê de jiyana xwe ji dest dan sersaxiyê ji hukumeta Hong Kongê re xwest.
Şî Cînpîng ferman da Ofîsa Karûbarên Hong Kong û Makaoyê ya Pekînê ku alîkariyê bide hukumeta herêmî ji bo têkoşîna li dijî şewatê.
Rêveberê Giştî yê Hong Kongê John Lee Ka-chiu diyar kir ku ji ber şewata ku bû sedema gelek mirî û birîndaran xemgîniyeke kûr dijî.
John Lee sersaxî li malbatên kesên mirî xwest, ji birîndaran re jî şifa xwest.
Lee, ji bo hevrêzkirina xebatên têkildarî şewatê bi kabîneya xwe re civîna awarte lidar xist.
