Li başûr-rojhilatê Asyayê lehiyê rê li ber karesateke mezin vekir.
Li Endonezya, Tayland, Malezya û Srî Lankayê, ji ber barana zêde lehî rabû, hezazê rû da. Di encamê de zêdeyî 620 kesî jiyana xwe ji dest dan.
Li başûr-rojhilatê Asyayê ji ber barana zêde lehî rabû û li Endonezya, Tayland, Malezya û Srî Lankayê rê li ber karesateke mezin vekir.
Li gorî daneyên ji aliyê rayedarên xwecihî yên çar welatan ve hate eşkerekirin, herî kêm 626 kes mirin, bi sedan kes winda bûn. Fikar hene ku hejmara qurbaniyan zêde bibe.
Herî zêde li Endonezyayê mirovan jiyana xwe ji dest dan. Hate ragihandin ku 300 kes mirin. Tenê li Girava Sumatrayê zêdeyî 270 kes winda ne. Li Sumatra Bakur jî 166 kes, li Acehê 47 kes, li Sumatra Rojava 90 kesî jiyana xwe ji dest dan.
Li hin herêman av bi qasî 3 metreyî bilind bû.
Li herêmên başûr ên li Taylandê ji ber lehiyê 162 kesan jiyana xwe ji dest dan.
Serokwezîrê welat serdana navendeke stargehê ya li herêmê kir û “Ji ber vê rewşê” lêborîn ji gel xwest.
Her wiha anî ziman ku karê paqijkirinê dibe ku 2 hefteyan dewam bike. Hikumetê jî diyar kir ku ji bo malbatên kesên jiyana xwe ji dest dan wê 62 hezar dolar tazmînat bê dayin.
Li Malezyayê 2 kes mirin
Li eyaleta Perlisê ya li bakurê Malezyayê 2 kesan ji ber lehiyê jiyana xwe ji dest dan.
Li Srî Lankayê herî kêm 159 kes mirin û zêdeyî 200 kes winda ne
Li Srî Lankayê jî bagera zêde ku baran zêde kir, bû sedema hilweşîneke mezin.
Li welêt 159 kesan jiyana xwe ji dest dan, zêdeyî 200 kes winda ne û 900 hezar kes ji bo herêmên bi ewle hatin veguhestin.
Hikumetê rewşa lezgîn ragihand û banga alîkariya navneteweyî kir.
