Amerîka zextê li Ukraynayê dike da ku peşniyara aştiyê qebul bike.
Lê belê Zelenskî xala ku dibêje Ukrayna hin axên welat radestî Rûsyayê bê kirin red dike.
Dema Zelenskî bi hevalbendên xwe yên Ewropî re jî civiya heman helwestê dubare kir.
Serokê Amerîkayê Donald Trump ji bo bersivê li pêşniyara aştiyê ku tê de radestkirina axê heye, dem da Zelenskî.
Ev yek di rojnameya Financial Times de bi berfirehî cih girt.
Rojnameyê ku xwe dispêre çavkaniyan dibêje Zelenskî ji hevalbendên xwe yên Ewropî re gotiye ji bo qebulkirina pêşniyara aştiyê nûnerê Trump Steve Wîtkoff zextê lê kiriye.
Çavkaniyekî jî got Trump hêvî dike heta Noelê vê bigihêje lihevkirinekî.
Zelenskî ji nûnerên Amerîkî re gotiye berî bersivê li pêşniyara Waşîngtonê bide, pêwîstî heya bi hevalbendên xwe yên Ewropî re nîqaş bike.
Kîev bi fikar e ku Amerîka beyî pejirandina Ewropayê pêş ve biçe Yekîtiya Rojava dikare qels bibe.
Di nîqaşekî ya doh li Polîtîco de Trump êrişî Ewropayê kir, ew weke koma neteweyên ji rê derketî ku ji aliyê mirovên qels ve têne birêvebirin binav kir.
Trump hevalbendên Amerîkî bi nekarîna bi nekarîna kontrolkirina koçberiyê û rawestandina şerê di navbera Rûsya û Ûkraynayê de sûcdar kir.
Trump, bêyî ku ji Ewropiyan re tu garantiyekê bide li ser nakokiyên di navbera Rûsya û Ûkraynayê de, behsa pozîsyona zelal a Rûsyayê kir.
Papa: Vatîkanê amade ye mazuvaniya danûstandinên Rûsya-Ukraynayê bike
Li aliyê din serokê dewleta Vatîkanê Papa 14’emîn Leo diyar kir ku ew berê pêşniyar kiribûn ku mazuvaniya danûstandinên Rûsya û Ukraynayê bikin, l ê ew nehatiye pejirandin.
Papa dîsa pêşniyarê xwe dubare dike û dibêje ew di lêgerîna çareseriyeke mayînde û adil de ne.
Li gorî nûçeya Vatican News, Papa doh êvarê ji rojnamevanan re li ser hevdîtina xwe ya bi Zelenskiy re axivî û got:
“Em li ser şer, agirbestê, bi taybetî jî li ser ewlehiyê ya zarokên revandî, wê Kilîse çawa alîkariyê bike, sekinîn.
Vatîkan, amade ye ku ji bo hevdîtinan cih û firsendan pêşkêş bike.”
Papa bawer dike ku rola Ewropayê di mijara çareseriya Şerê Ûkraynayê de girîng e, bêyî nav bide, behsa rêveberiya Amerîkayê kir û got:
“Bi taybetî di vê mijarê de, yekîtiya Ewropayê girîng e. Hewldana gihîştina li hev kirinekê ya aştî bêyî cihêkirina Ewropayê ne rasteqîne.
Şer, li Ewropayê ye û divê parçeke garantiyên ewlehiyê yên ku Ewropa îro û siberojê daxwaz dike be.
Mixabin her kes ev fêm nakin, lê ez bawer im ku ev firsendeke mezin e ku li çareseriyên kolektîf bigerin.”
