Hat ragihandin ku hêzên taybet yên Amerîka li Oqyanûsa Hind dest danî ser keştiyek ku alavên leşkerî hildigirt.
Tê îdîa kirin ku ew keştî ji Çînê diçû Îranê.
Her wiha Îranê îro ragihand, wan li behra Oman dest daniye ser tankêrek petrolê ku 6 milyon lître petrola qaçax hildigirt.
Heman demê rayedarên Îranî dan zanîn ku hikumetê buhayê sotemeniyê buha kiriye.
Rayedarên Amerîkî gotin ku meha borî, hêzên operasyonên taybet ên Amerîkî li Oqyanûsa Hind dest danîn ser keştiyek ku alavên leşkerî hildigirt.
Hat gotin keştî ji Çînê diçû Îranê.
Ev operasyon jî heta niha bi fermî nehatiye eşkerekirin, tê îdîa kirin ku oprasyon beşek ji hewldanên Wezareta Parastinê ya Amerîkayê ji bo têkbirina torên dabînkirina leşkerî yên veşartî yên Îranê ye.
Ev cara yekem e di salên dawî de ku artêşa Amerîkî bi eşkereyî barhilgireke Çînî ku ber bi Îranê ve diçû, desteser dike.
Operasyon çend hefte piştî desteserkirina tankereke ku ji aliyê Amerîkayê ve li peravên Venezuelayê ji bo veguhestina petrolê ji bo Îranê hatibû qedexekirin, pêk hat.
Rayedarê Amerîkî îdîa kir ku Keştiya desteserkirî perçeyên moşek û dironan hildigirt.
Her wekî teqez kir hêzên Amerîkî meteryalên ku bi dest-xistine tunekirin e.
Wî zêde kir ku ew tişt “bi karanîna dualî” ne, ku tê vê wateyê ku ew dikarin hem ji bo karanîna sivîl û hem jî ji bo karanîna leşkerî werin bikaranîn.
Desteserkirina vê barkêşiya leşkerî ya ku ji bo Îranê hatibû şandin di demekê de pêk hat ku NY dawiya Îlonê, cezayên navneteweyî li ser bazirganiya çekan bi Îranê re ji nûve ferz kiribûn.
“Îranê li Kendava Omanê dest danî ser tankereke sotemeniyê”
Li aliyê din medyaya fermî ya Îranê ragihand ku Tehranê li Kendava Omanê dest danî ser tankereke petrolê.
Medyayê da zanîn ku di tankerê de 6 milyon lître sotemeniya qaçax hebû.
Her wekî dest nîşan kir di operasyonê de, 18 endamên ekîba tankerê jî hatin girtin.
“Buhayê sotemeniyê li Îranê derketiye asta herî jor”
Di demekê de ku li Îranê buhayê sotemeniyê zêdeye, rayedarên Îranê îdîa dikin ku sedemê buhakirina sotemeniyê kêmbûna nirxa diravê neteweyî li hember dolare ku her roj nirxê xwe winda dike.
Ji bo wê îro biryar da ku buhayê benzînê ji bo kesên pir zêde bikar tînin zêde bike.
Çavdêr dibêjin ku Îranê ji tirsa xwepêşandanên 2019’an dubare bibe, demek dirêj bilindkirina buhayê sotemeniyê paşxistiye.
