Rûsya bi balafirên bêmirov û moşekan êrîşeke berfireh li Ukraynayê kir.
Li gelek herêman teqîn çêbûn, binesaziya enerjiyê careke din bû armanc.
Hate ragihandin di êrîşan de mirî û birîndar hene.
Sibeha Sêşemê, Rûsya êrîşeke bi moşek û balafirên bê mirov ên kamikaze li Ukraynayê da destpêkirin.
Li gelek herêman qutbûnên elektrîkê yên lezgîn hatin sepandin.
Li gorî daxuyaniya Hêza Hewayî ya Hêzên Çekdar ên Ukraynayê, heta niha ji bo hemû herêmên welêt metirsî didome.
Hate parvekirin ku artêşa Rûs moşek û balafirên bê mirov ên cureyê “Şahed” û herwiha moşekên hîpersonîk “Kinjal” bi kar anîne.
Hate gotin ku li ezmanê Ukraynayê gelek armancên Rûsî hatine tesbîtkirin, ji sivîlan hate xwestin ku hişyariyên êrîşa hewayî bidin ber çavan û heta metirsî derbas bibe li stargehan bimînin.
Binesaziya enerjiyê ya Ukraynayê bûn armanca êrişan
Her wiha Wezareta Enerjîyê ya Ukraynayê ragihand ku Rûsya careke din êrîşî binesaziya enerjîyê ya welêt kiriye.
Hate gotin ku gava rewşa ewlehiyê destûr bide, ekîbên rizgarkirinê û karmendên enerjîyê wê dest bi karên tesbîta zirarê û tamîrkirinê bikin.
Qutbûnên elektrîkê yên lezgîn li herêmên Kîev, Çerkasî û Dnipro hatin sepandin.
Li gelek herêmên Ukraynayê teqîn pêk hatin
Li gelek herêman bi taybetî li Ternopîl û Îvano-Frankivskê teqîn hatin bihîstin.
Îdareya Leşkerî ya Herêma Rîvne ragihand ku apartmaneke duqatî zirar dîtiye, ji ber pêla teqînê şibake şikestine.
Herwiha avahiyeke darîn bi temamî hilweşiya, sê otomobîl zirar dîtin.
Li vê herêmê birîndar tune ne.
Di êrişên Rûsyayê de li Ukraynayê mirî û birîndar hene
Waliyê Herêma Jîtomîr, Vitaliy Buneçko ragihand ku di êrîşan de 6 kes birîndar bûne, ji wan du zarok in.
Hate gotin ku 2 kes sewqî nexweşxaneyê bûne, xanî, karsaziyên taybet û dikanek zirar dîtiye.
Li Herêma Odesayê jî zirar li binesaziya enerjî, bender, veguhestin, pîşesazî û xaniyan çêbû.
Hate eşkerekirin ku keştiyeke barhilgira sivîl, avahiya depoyê, xaniyên taybet û apartman ji êrîşê bandor bûne.
Li Kîevê, ji ber perçeyên ketî nêzîkî avahiyeke niştecîhbûnê şibakeyên qata pêncemîn zirar dîtin.
Hate ragihandin ku li apartmanekê mirov asê mane, birîndar hene.
Şaredar Vitaliy Kliçko ragihand ku bi kêmanî 2 kes birîndar bûne.
Waliyê Herêma Hmelnîtskî Serhiy Tyurin ragihand ku di encama êrîşê de sivîlekê jiyana xwe ji dest daye.
Her wiha li navçeyên Vîşgorod û Obuhiv ên girêdayî herêma Kîevê kesek mir, sê kes birîndar bûn.
Li Vîşgorodê li xaniyeke duqatî agir derket, jineke jiyana xwe ji dest da.
Waliyê Herêma Çernîgîv Vyaçeslav Çaus ragihand ku di 24 saetên dawî de 93 êrîş li herêmê hatine kirin, 163 teqîn çêbûne.
Di êrîşan de sazgeha enerjîyê ya li Novhorod-Siverskiyê bi balafirên bê mirov hate lêdan, bi kêmanî 5 teqîn çêbûn.
Li Semenivka jî di êrîşên bi dronan de xaniyek û sazgeheke daristanvaniyê zirar dîtin.
