Çîn li dora Taywanê dest bi tetbîqata leşkerî kir.
Hêzên Taywanê ji bo pêşî li gefan bigire keştiyên şer şandin herêmê.
Taywanê teqez kir ku tetbîqata leşkeriya ya Çînê gefek leşkerî li dijî serweriya wan e.
Serokê Çînê diyar kir ku tetbîqata leşkerî hişyariyeke ji bo hêzên cudaxwaz e.
Çîn, îro sibehê ragihand ku wê li dora Taywanê dest bi tetbîqatên leşkerî yên bi guleyên rastîn kiriye.
Di daxuyaniyekê berdevkê Fermandariya Herêma Rojhilat a Artêşa Rizgariya Gel Shi Yi (şî yî), got:
“Ji 29’ê Kanûnê ve, Fermandariya Herêma Rojhilat a Artêşa Rizgariya Gel ya Çînê dê tetbîqatên leşkerî yên hevbeş bi navê kod ‘Mîsyona Edaletê pêk bîne.”
Piştî ku Pekînê ragihand, ew ê tetbîqatên guleyên zindî li peravên Taywanê bike.
Taywanê kiryara Çînê li peravên xwe şermezar kir
Taywanê îro sibê ragihand ku çar keştiyên parêzvanên peravê yên Çînê li nêzîkî avên xwe dîtine.
Parêzvanên peravê yên Taywanê diyar kir ku çar keştî li peravên bakur û rojhilatê Taywanê digeriyan hatiye dîtin.
Rayedarên Taywanê got ku wan keştiyên mezin yên şer li herêmê bicihkirine û yekîneyên piştgiriyê şandine da ku tedbîrên pêşîlêgirtinê li deverên têkildar werin girtin.
Fermandariya Rojhilat a Artêşa Taywanê da zanîn ku artêşa Çînê di tetbîqatên îro de li dijî hedefên deryayî yên li bakur û başûrê rojavayê Taywanê, keştiyên şer, balafirên şer, bombebaran û balafirên bê mirov bi kar anîne.
Heman demê Taywanê gefa leşkerî ya Çînê şermezar kir.
Taywan: Em binpêkirina qanûnên navneteweyî qebûl nakin
Berdevkê serokatiyê diyar kir, Taywan bi tundî binpêkirina qanûnên navneteweyî ji aliyê rayedarên Çînê ve û bikaranîna gefa leşkerî ji bo welatên cîran şermezar dike.
Tê payîn ku tetbîqat 10 saetan bidome.
Her wiha hat gotin: “Ji ber sedemên ewlehiyê, tê pêşniyar kirin ku tu keştî an balafir bêyî destûr nekevin herêmê.”
Ev nîşandana hêzê piştî çend hefteyan aloziya di navbera Çîn û Japonya de tê.
Ku ji ber daxuyaniyên Tokyoyê yên ku piştgirîya muhtemel ji bo Taywanê di rewşa pevçûnek çekdarî ya pêşerojê de nîşan didin, derket holê.
Di heman demê de, Tetbîqat wek bersivekî ji Amerîkê re tê şirovekirin ku Amerîka, hefteya borî peymana firotina çekan ji bo Taywanê îmze kiribû.
Her wiha, Serokê Çînê Xi Jinping (şî cînpîng) got tetbîqatên vê hefteyê hişyariyek rasterast ji bo hêzên cudaxwaz ên ku serxwebûna Taywanê dixwazin.
