Hevserokê Giştî yê DEM Partiyê Tûncer Bakirhan diyar kir çareseriya li Sûriyê bi restorekirina pergala navendî ya rejima Baasê nabe.
Û destnîşan kir divê Tirkiye helwesteke ku pêşiya çareseriyê vedike nîşan bide.
Hevserokê Giştî yê DEM Partiyê Tûncer Bakirhan polîtîka û gefên Tirkiyê yên li dijî Bakur û Rojhilatê Sûriyê û Peyama Rêber Apo ya derbarê Peymana 10’ê Adarê nirxand.
“Eger pêvajoya aştiyê bi ser bikeve wê di polîtîka derve de guherînên erênî çêbin”
Bakirhan diyar kir eger pêvajoya aştiyê ya li Tirkiyê bi ser bikeve, wê di polîtîkaya derve de jî guherînên erênî pêk were û wiha axivî,
“Tirsa parçebûnê bi salan kir ku Tirkiye bêhtir polîtîkayên ewlehiyê pêş bixe û zemîna gotubêjê qels bike.
Dema mijar dibe Bakur û Rojhilatê Sûriyê jî ev fikar bêhtir zêde dibe. Rêya kêmkirina vê tirs û fikarê jî guftûgo û danûstandine.”
“Polîtîkaya neçareserkirina pirsgirêka Kurd bi Tirkiyê da windakirin”
Bakirhan anî ziman polîtîkaya ne-çareserkirina pirsgirêka Kurd bi Tirkiyê da windakirin û wiha dewam kir,
“Vê yekê tu encamên bixêr ji bo Tirkiye, herêmê û Kurdan ne-anî. Kurd wê dîsa li berxwe bidin û di dawiyê de wê dîsa li ser çareseriyê were axaftin, ji ber ku tu rêyeke din nîne.”
“Hevdîtinên Rêveberiya Xweser û Şamê ji bo aramiya herêmê girîng e”
Bakirhan derbarê Peymana 10’ê Adarê de jî ev nirxandin kir,
“Hevdîtinên rojên pêş ên bi Şamê re, ji bo pêşeroja Sûriyê û aramiya herêmê girîng e.
Eger Şam helwestek zelal li hemberî hewla birêz Ocalan a ji bo hêsankirinê, nêzikatiyeke çêker a Tirkiyê esas bigire û îradeya çareseriyê ya Rêveberiya Xweser nîşan bide, wê demê wê li Sûriyê pêşiya pêvajoyeke nû ya siyasî vebe.
Hewceye Tirkiye helwesteke ku pêşiyê vedike nîşan bide.”
“Çareseriya li Sûriyê bi restorekirina pergala navendî ya baas nabe”
Tûncer Bakirhan da zanîn çareseriya li Sûriyê bi restorekirina pergala navendî ya rejima Baasê nabe û dibêje:
“Çareserî bi pergaleke nenavendî û destûreke bingehîn a hemû pêkhateyan bihewîne pêkan e. Tirkiye dema bi Şamê re lihev dike, divê Kurdan li derve nehêle.
Pêwîste vê helwesta xwe biterikîne. Ev ne tiştekî rast e û aqilane jî nîne.
Divê polîtîkaya Tirkiyê ev be, biqasî bi Şamê re bi Qamişlo, Kobanê re jî hevdîtinan bike.”
“Peyama birêz Ocalan ji bo çareseriya Sûriyê gelek girîng e”
Bakirhan derbarê peyama Rêber Apo ya ji bo Sûriyê jî got,
“Nirxandinên birêz Ocalan ên derbarê rola Tirkiyê de, ji bo çareseriya Sûriyê girîng e.
Ev peyama birêz Ocalan, rêya rizgariya Sûriyê ya ji aloziyên heyî nîşan dide. Mifteya deriyê çareseriyê ya Sûriyê ye.
Modeleke ku fikarên maf û ewlehiyê yên Kurdan, Ereban, Elewiyan û hemû gelên din ji holê radike pêşniyar dike. Ev jî zemîna guftugo û entegrasyona demokratîk xurt dike.”
