Li Çînê, qurbanên corona di nava 24 saetan de bûn 71 kes..li beramberî vê, virus bilez qurbanan li welatên derdorê jî zêde dike..
Ji bo rêlibergitina belavbûna corona jî, Serokê Amerîkayê Turmp 2 milyar û 500 dolar ji Kongressê xwetiye.
Li beramberî welatên din, Çînê qurbanên xwe yên coronayê kêmtir kirine..
Desthilatên Çînê weke bîlançoyeke nû ji duh heya îro mirina 71 kesî ragihand.
Li derveyî Çînê, bi hezaran rewş hatine tomarkirin..
Li gorî Televîzyona fermî ya Japonyayê, rêwiyekî din di keştiya Diamond Princess de bi virusê mir û jimara qurbanan bû 4.
Tokyoya paytext, Çarşemê 79 rewşên nû li ser vê keştiyê ragihadibû.
Ev keştiya geştyarî nêzî mehekê li beravê Yokohama ya Japonyayê rawestiyayî ye.
3 hezar û 711 rêwî ji 56 welatan tê de bûn, bilez geşta wan veguherî zindanê û heya niha 621 kes ji wan bi coronayê ketine.
Ji aliyê xwe ve, Seoul a Koreya Başûrî jî ragihand ku duh keskî jiyana xwe ji dest da û 60 kesên din bi virusê ketine û jimara nexweşan dibe 893 kes.
Îran mirina 14 kesan teqez kir
Li Rojhilata Navîn jî, Îran weke navenda 2. a zêde qurban danîne hat naskirin.
Tevî tevliheviya nûçeyên ji wir tên jî, ji duh heya îro mirina 14 kesan hatiye piştrastkirin.
Weke tedbîr, gelek welatên cîran deriyê xwe li ber Îranê girtine, ku ji welatiyên Îranî, corona berê xwe da Libnan, Behrên, Kiwêt û vê dawiyê derbasî Iraqê jî bû..
Rêxistina Tenduristiyê ya Cîhanî duh dîsa ji bo virusê hişyar dabû, ku divê cîhan tevde ji “nexweşiyeke cîhanî nêz” re hazir be.
Amerîka 2.5 milyar dolar ji coronayê re vediqetîne
Virusa corona ya 12ê Kanûna 2019an ji Çînê derketî, derzek mezin li abora wê xist û tadariyeke mezin gihand bazara pişkan a Ewropayê.
Ji bo rûbirûkirina vê virusê, Koşka Spî diyar kir ku Birêveberiya Amerîkî wê 2 milyar û 500 milyon dolarî ji Kongressê bixwaze.
Li gorî Koşkê, bêhitrî milyarekî wê ji çêkirina derman re were veqetandin.
Der barê daketina parên bazara pişkên jî, duh Trump ji Hindistanê nivîsandibû ku
(Corona di bin kontrola Amerîkayê de ye. Li gorî min, Bazara Darayî di rewşeke pir baş de ye!)
