Bi hezaran şêniyên Kobanê li dijî komploya 15 Sibatê meşiyan û peyama, “Bê Serok jiyan nabe” da.
Bi minasebeta salvegera 27’emîn a Komploya Navneteweyî ya 15`ê Sibatê ku 1999’an li dijî Rêber Abdullah Ocalan hat pêkanîn, li Kobanê mesa şermezarkirina komployê hat lidarxistin.
Meş bi dirûşma “Êrişên li ser Rojava berdewamiya Komploya 15`ê Sibatê ye” ji qada Jina Azad dest pê kir. Di meşê de pankartên “Kes nikare roja me tarî bike”, “Berxwedan jiyan e” û “Bijî berxwedana Îmraliyê” hatin vekirin û bênavber dirûşmeyên wekî, “Bijî Serok Apo”,”Berxwedan jiyan e”, “Na ji dagirkeriyê re”, “Bimre xiyanet”, “Bê Serok jiyan nabe” hatin berzkirin.
Piştî mesa ku li dawiya rêya 48`an bi dawî bû, ji bo şehîdên têkoşîna azadiyê deqeyek rêz hat girtin. Li pey rêzgirtinê ji rêveberên Meclisa Giştî ya Tevgera Civaka Demokratîk (TEV-DEM) Cahid Hesen axivî. Cahîd Hesen komplo şermezar kir: “27 sal di ser Komploya Navneteweyî ya li dijî Rêber Apo pêk hat re derbas bûn. Êdî gelê Kurd li her çar parçeyên Kurdistanê bûye xwedî îrade û li gel derdorên azadîxwaz û demokrat komployan vala derdixînin. Êdî gelekî pêşeng û çalake, ne mumkine doza gelê Kurd were înkarkirin. Em ê têkoşîn û berxwedana xwe xurtir bikin û azadiya fîzîkî ya Rêber Apo misoger bikin.”
Hevseroka Desteya Jîngehê ya Kantona Firatê Almaz Romî jî, destnîşan kir ku Rêber Abdullah Ocalan bi paradîgmaya xwe komploya navnetewî vala derxistiye. Almaz Romî da zanîn ku îro komployên nû tê meşandin û wiha dom kir: “Bi taybet li dijî jinan komplo tên meşandin. Tê xwestin ku projeya jina azad a ku Rêber Apo pêş xistiye bê hilweşandin. Lê me wek jinan xwe li ser fikir û felsefeya Rêber Apo bi rêxistin kiriye. Wê tu kes bi hêza jinê nikaribe. Em ê ji bo azadiya fîzîkî ya Rêber Apo têkoşîn bikin.”
Bername piştî axaftinan, bi dirûşmeyên, “Bê Serok Jiyan nabe”, “Berxwedan jiyane”, “Bijî berxwendana Îmralî”, “Jin jiyan azad” bi dawî bû.
