Wezîrê Rewşên Awarte û Karesatan ê Hikumeta Demkî ya Sûriyeyê ji bo nîqaşkirina hemahengiya xizmetguzarî û pêşxsitina bersivdana karesatan serdana Parêzgarê Hesekê kir.
Wezîrê Rewşên Awarte û Karesatan a Hikumeta Demkî ya Sûriyeyê Raid El Salih serdana parêzgeha Hesekê kir, li wir ji aliyê Parêzgarê Hesekê Nûredîn Ehmed, bi amadebûna şandeyek ji Rêveberiya Xweser a Kantona Cezîrê ku ji Hevserokatî Vîviyan Baho Osê û Hesen Şero, û Şêwirmenda Rêveberiya Xweser Jiyan Hesen, nûnerên Desteya Karûbarên Civakî û Kar, Tîma Agirkujiyê, rêxistinên rakirina mayînan û nûnerên koçberên Serêkaniyê û Efrîn pêk dihat, ve hate pêşwazîkirin.
Li gorî Nivîsgeha Rojnamevaniyê ya Parêzgeha Hesekê, armanc ji serdanê rewşa xebata xizmetguzarî ya parêzgehê were şopandin, rêbazên hemahengiyê di navbera her du aliyan de werin nîqaşkirin ku bersivdana rewşên awarte werin xurtkirin û performansa saziyane û xizmetguzariyê werin başkirin.
Di civînê de amadebûyan mekanîzmayên entegrasyona saziyan û pêşxistina asta xizmetguzariyan bi taybet jî warê birêvebirina karesatan û destwerdana lezgîn hatin nîqaşkirin. Li kêleka wê jî nirxandina amadebûna kadroyên pispor û pêşxistina sûdwergirtina ji pisporiyan hat kirin.
Xebatek hemahengiyê ku ji hêla Rêveberiya Xweser ve bi hevkariya Desteya Karûbarên Civakî ve hatiye pêkanîn jî hate nirxandin. Ev xebat rêxistinên rakirina mayînan, tîmên agirkujiyê û komîteya awarte dihewîne û armanc dike ku amadekariya meydanî zêde bike. Di vê çarçoveyê de, Wezaretê planên xwe yên perwerdekirinê pêşkêş kirin û da zanîn ku pêwîst e xebatkarên ji saziyên girêdayî hikumeta demkî di bernameyên perwerdehiyê yên hevbeş ên li derveyî welêt de beşdar bibin.
Amadebûyan diyar kir ku pêdivî ye li herêmên şer ji bo paqijkirina mayînan, lêkolîneke meydanî were kirin û ji ber bandora wê ya rasterast li ser ewlehiya sivîlan bi lez ruxset werin dayîn, li ser avakirina sazûmaniyek nû ji bo xebata hevbeş li gorî peymana di navbera QSDˊê û hikumeta demkî de nîqaş werin kirin.
