Êrîşa Îsraîl û Amerîka li dijî Îranê 7 roj li pey xwe hişt.
Li rojhilata Navîn ji ber şerê heyî heta niha zêdetirî hezar û 200 kes jiyana xwe ji dest dane.
Her wiha gelek dewletên erebî hatine topbaran kirin û ev rageşî heta niha dewam dike.
Partiyên siyasî yên Kurd li Rojhilatê Kurdistanê jî bernameyeke hevpar ava kirin .
Wê yekgirtin û yekrêziyê jî mîsoger bike.
Tehran dihêje..Bombeyên Îsraîlê paytexta Îranê dihejînin.
Artêşa Îsraîlê li Tehrana paytexta Îranê pêleke berfireh a êrişên asmanî daye destpêkirin.
Di roja 7. a şerê Îsraîl û Îranê de, bîlançoya qurbaniyên ji ber vê yekê giran dibe.
Di êrişan de zêdetirî hezar û 200 kes jiyana xwe ji dest dan
Li gorî Heyva Sor a Îranê, heta niha 1045 kes li welêt mirine.
Di nav miriyan de leşker û sivîl hene.
Ev hejmar 175 keçên ku di êrîşa li ser dibistanek seretayî ya li bajarê Minabê de mirine jî digre nava xwe.
Wezareta Tenduristiyê ya Libnanê ragihand ku herî kêm 77 kes di êrîşên hewayî yên Îsraîlê de mirine.
Li gorî servîsên awarte yên Îsraîlê, 1’ê Adarê di êrîşa mûşekî ya Îranê 9 kes mirine.
Bi vê daneyê re jimara kesên li Îsraîlê mirin e, bêtirî 10 kesan e.
Fermandariya Navendî ya Amerîkayê ragihand ku şeş leşkerên Amerîkî di êrîşekê de hatin kuştin.
Li Behrêynê, piştî bêbandorkirina êrîşa mûşekî ya Îranê agirê derketî bû sedema kesek mir.
Li Kuweytê, di êrîşên Îranê de du leşker di nav de 3 kes mirin.
Li peravên Muscat, Omanê dema ku topek li tankerek petrolê ket, kesek hat kuştin.
Wezareta Parastinê ya Îmaratê jî ragihand ku sê kes mirine.
Dema ku mûşekek Îranê li avahiyek li Suweydayê, Sûriyeyê ket, çar kes hatin kuştin.
Li Iraqê jî rayedarên tenduristiyê dibêjin ku herî kêm 13 kes mirine, di nav de 11 çekdar, leşkerek û sivîlek heye.
Di roja 7’an de jî Hêzên Parastina Îsraîlê ragihand ku ew li seranserê Îranê êrîşên hewayî pêk anîne.
Zêdeyî 200 hedefan xistine û armanc dikin ku pergalên mûşekên balîstîk îmha bikin.
Wezîrê Şer ê Amerîkayê jî got, em dê operasyonan bidomînin.
Hevpeymana Partiyên Rojhilatê Kurdistanê yekgirtin û yekrêziyê mîsoger dike
Roja 22’yê Sibatê 5 partiyên siyasî yên Kurd li Rojhilatê Kurdistanê bernameyeke hevpar ava kirin.
Balkêşe cara yekeme li Rojhilatê Kurdistanê partî û rêveberên siyasî li ser projeyeke hevpar li hev dikin.
Ev hevpeyman tenê wê ne yek helwestî û yek nêrîna partiyan derxe holê.
Ev projeya partiyên li Rojhilatê Kurdistanê wê yekgirtin û yekrêziyê jî mîsoger bike.
