Di dawiya Sibatê de, piştî bidawîbûna dema ku serokkomarê Tirkiyê Erdogan ji rejîmê re destnîşan kiribû li Idlibê 2 balafiryên rejîmê ji aliyê dewleta Tirk ve hatin xistin û 4ên bê mirov ên Tirkiyê ji aliyê rejîmê ve hatin xistin. Her wiha piştî Rûsyayê, Îran jî hevkariya çeteyên Cebhet El-Nusra û dewleta Tirk eşkere kir.
Serokomarê Tirkiye Erdogan ji bo vekişîna hêzên rejîmê dawiya Sibatê weke dema dawî ya vekişîna hêzên rejîmê ya li pişt xalên wan yên çavdêriyê dabû.
Dema hatî dayîn doh bi şev bi dawî bû.
Lê ne danûstandinên Rûsya û Tikriyê bi dawî bûn û ne jî rejîm ji herêmên ku bi dest xistibûn, vekişiya.
Berevejî daxuyaniyên Rûsya û Tirkiyê ku wan li ser kêmkirina şerê li Idlibê li hev kiriye, şer gurtir dibe.
Bi navê ”Mertalê Biharê” dewleta Tirk êrîşek li dijî rejîmê ragihand.
Hemwextê wê heman wezartê diyar kir ku 2 balafirên şer ên rejîmê ji aliyê artêşa wan ve hatine xistin.
2 BALAFIRÊN REJÎMÊ Û 4 ÊN DEWLETA TIRK HATIN XWARÊ
Her wiha wezaretê li wê yekê jî mukir hat ku balafireke wan a bê mirov jî ji aliyê rejîmê ve hatiye xistin.
Bi dîmen jî hate piştrastkirin ku balafira navbor ji aliyê çeteyên dewleta Tirk bi xwe ve hatiye xistin.
Wezîrê Parastinê yê Tirkiyê Hulusî Akar û fermandarên Tirkî ji bo şopandina şerê li Idlbê li ser sînorin.
Rejîm jî xistina 2 balafirên xwe ji aliyê dewleta Tirk ve piştrast kir û diyar kir ku wê 4 balafirên bê mirov ên dewleta Tirk li Idlibê xistin xwearê.
Her wiha qedexeya asmanî li bakur-rojavayê welêt jî ragihand.
Çavdêriya Sûrî ya Mafên Mirov jî ragihand ku çeteyan bi destekeke esamanî ya dewleta Tirk li başûrê Idlibê 4 gundên din kontrol kirin.
NAVENDA ŞÊWIRMENDIYA ÎRANÎ LI SÛRIYÊ:BI DESTEKA TIRKIYÊ ÇETEYÊN EL-NUSRA ÊRÎŞÎ HÊZÊN ME DIKIN
Li aliyekî din, li rex Rûsyayê, Îran jî hevkariya dewleta Tikriyê û çeteyên Cebeht Nusrayê eşkere kir.
Navenda Şêwirmendiya Îranî li Sûriyê di axaftineke li gel ajansa Faris a Îranî de got:
Beriya 4 rojan çeteyên Cebeht Nusra û yên Turkistanî bi piştgiriya Tirkiyê ya esmanî êrîşî nuqteyên me û rejîmê kirin û me jî bersiv da.
Navendê gef li dewleta Tirk xwar û diyar kir ku ”ev mehek e artêşa Tirkiyê di hedefa wan de ye û wan dikarî tolê hilînin.”
