Endama Konseya Rêveber a KJK’ê Çîgdem Dogû pêşketinên di pêvajoya Aştî û Civaka Demokratîk de nirxand.
Çîgdem Dogû anî ziman ku pêvajo li ber xitimînê ye û got: “Divê ev pêvajo tenê ji dewletê re neyê hiştin. Pêwîste gel xwedî lê derkeve.”
Endama Konseya Rêveber a KJK’ê Çîgdem Dogû beşdarî Bernameya Taybet a li televîzyona Medya Haber TV bû û pêşketinên di pêvajoya Aştî û Civaka Demokratîk de nirxand.
Çîgdem Dogû diyar kir ku rêber Apo beriya salek û nîv pêvajoyek da destpêkirin; ev yek wekî “Pêvajoya Aştî û Civaka Demokratîk” bi nav kir û got:
Çîgdem Dogû: Rêber Apo perspektîfeke pir xurt danîn holê
Di vê sal û nîvê de dema em ji eniya têkoşîna xwe lê dinêrin, di rastiyê de gavên pir girîng, stratejîk û dîrokî hatin avêtin.
Rêber Apo çi stratejiyek danîbe, li gorî vê divê çi gavên taktîkî bên avêtin, pêvajo çi dixwaze, , ev hemû wekî perspektîfeke pir xurt danîn holê.
Em jî wekî rêxistin me li ser vê bingehê ji xwe re kir esas; me ji serî ve got: Tiştê Rêber Apo dibêje, ji bo me ew e.
Heger em vê pêvajoyê wekî pêvajoyeke stratejîk, yanî wekî “Pêvajoya Avakirina Komara Demokratîk” digirin dest, helbet divê nêzîkatî cida be.
Çîgdem Dogû: Meclîs û dewleta Tirk pêvajoyê giran dikin
Her wiha Çîgdem Dogû dibêje:
Dema ku Meclîs tu gavan navêje, dema dewlet û desthilat pêvajoyê giran dikin, wê pêvajo bi ser nekeve.
Heger hişekî ku dixwaze pirsgirêkê çareser bike hebe, divê nêzîkatî jî li gorî wê bên diyarkirin.
Çarçoveyeke stratejîk hatibû danîn; ji bo çûna sedsala 21’ê têkildarî pêwendiya Tirk û Kurdan konseptek hatibû diyarkirin.
Bi taybetî ji bo pêşveçûna vê pêvajoyê, lîdertî û pozîsyona polîtîk a Rêber Apo krîtîk e.
Ew bixwe rêberê gelê Kurd e, ne kesekî asayî ye.
Çîgdem Dogû: Divê Rêbe Apo bi fîzîk azad bibe û şert û mercên wî bên başkirin
Çîgdem Dogû da zanîn ku her tim behsa “entegrebûnê” dikin; jixwe dîtina meseleyê tenê wekî “entegrekirinê” bi serê xwe pirsgirêkek e.
Heger bi vê yekê berdewam bike, dibetiya ku pêvajo ber bi aliyekî kanserî û bêçareserî ve biçe heye.
Helbet tu kes naxwaze pêvajo biçe cihekî neyênî; em naxwazin, Rêber Apo jî naxwaze.
Lê ji bo çareseriyê divê gavên berbiçav bên avêtin û divê Rêber Apo vê yekê bibîne.
Divê Rêber Apo fîzîkî azad bibe û xwedî şert û mercên xebatê yên azad be.
Em bawer dikin ku Rêber Apo di şert û mercên azad de be û statuya wî bê diyarkirin, dê rê li ber vê pêvajoyê vebike.
