Şewba Ebola ya li Komara Kongoya Demokratîk bi lez belav dibe, ‘fikareke zêde’ çêdike.
Bijîjkên Sînornenas (MSF) li ser rewşê hişyarî da.
Dîrektorê Giştî yê Rêxistina Tenduristiyê ya Cîhanê (WHO) Tedros Adhanom Ghebreyesus serdana eyaleta Ituri kir.
Ituri weke navenda baregeha şewbê ye.
Li ser rewşê daxuyanî ji aliyê MSF’ê ve hate dayîn.
Li gorî wê bi sedan encamên testê hîna derneketine, hejmar hîna bi rengekî zelal nehatiye tespîtkirin û pêketiyên nû yên bi guman jî hîna derdikevin.
MSF’ê hişyarî da ku şewb ‘fikareke zêde’ çêdike.
Hat ragihandin ku heta niha herî kêm 246 kesan jiyana xwe ji dest dan.
Li dijî vê varyantê tedawiyeke hatî erêkirin, nehatiye dîtin.
Bi vê yekê re, WHO ragihand ku hin rêbazên tedawiyê yên ceribandinê encamên bi hêvî dane.
Rayedar diyar dikin ku ji bo kontrolkirina şewbê, divê desteka navneteweyî were zêdekirin.
