Şerê li eniya Îsraîl-Libnanê ketiye qonaxeke nû…
Artêşa Îsraîlê ji Çemê Lîtanî derbas kir û êdî dikeve nava kûrahiya Libnanê.
Piştî Kelha Şiqêfê ket bin kontrola artêşa Îsraîl, niha jî berê xwe dane başûrê Beyrûtê.
Di wextekî dûman ji bajarên Sûr heta Arnûnê bilind dibe de, banga civîneke awerte li Konseya Ewlekariya NY tê kirin.
Artêşa Îsraîl gav bi gav xwe berdide nava kûrahiya Libnanê.
Netanyahu ji bo êrişên nû li ser Beyrûtê fermanek nû da
Serokwezîrê Îsraîlê Benjamin Netanyahu ragihand ku artêşa Îsraîlê ji Çemê Lîtanî derbas bûye û operasyon dê ber bi deverên kûrtir ên Libnanê ve berfireh bibin.
Xeta Lîtanî, ku bi qasî 30 kîlometreyan li bakur e, bi salan e wekî yek ji eniyên ewlehiyê yên herî krîtîk ên herêmê tê hesibandin.
Artêşa Îsraîlê di dawiya hefteyê de Keleha Şiqêfê a stratejîk kontrol kir.
Wêneyên ku ji hêla artêşê ve hatine weşandin nîşan didin ku leşkerên Îsraîlî li keleha dîrokî operasyonan dikin.
Ev kelih ji 1982 heta 2000’î di destê artêşa Îsraîlê de mabû.
Netanyahu jî kontrolkirina kelhê wekî “guhertinek dramatîk di şer de” bi nav kir.
Balafirên şer ên Îsraîlê li dora gundê Arnûn û bajarê Sûrê jî êrîşên hewayî yên dijwar pêk anîn.
Piştî êrîşan dûman ji herêmê bilind bû.
ÎSRAÎL JI LÎTANÎ DERBAS KIR Û XWE BERDIDE KÛRAHIYA LIBNANÊ
Wezîrê Parastinê yê Îsraîlê Îsraîl Katz ragihand ku li dora Çemê Lîtanî herêmeke ewlehiyê ya leşkerî di bin kontrola Îsraîlê de hatiye avakirin.
Ev daxuyanî bû sedema nîqaşên ku Îsraîl ji bo hebûneke leşkerî ya demdirêj li başûrê Libnanê amadekariyan dike.
Di vê navberê de, Netanyahu ragihand ku wî ferman daye êrîşên nû li ser taxên başûrê Beyrûtê ku Hizbullah lê bi bandor e bê kirin.
Wî anî ziman ku di wextekî Hizbullah êrişî wan dike de, wê navendên wê yên li Beyrûtê aram nemîne.
Bang li konseya ewlekariya ny hat kirin: Bi awerte bicivin
Piştî zêdebûna şerê li herêmê, tê ragihandin ku Konseya Ewlekariyê ya Neteweyên Yekbûyî banga civînek awarte kir.
Şerê li ser eniya Îsraîl-Libnanê fikaran li ser egeriya şerekî nû û berfirehtir li Rojhilata Navîn zêde dikin.
