Hêzên Îsraîlê ber bi başûrê Lubnanê kûrtir pêşve çûn, di heman demê de êrişên hewayî û operasyonên bejayî yên giran li seranserê Lubnanê berdewam kirin.
Ajansa Nûçeyan a Neteweyî a fermî ya Lubnanê îro ragihand ku bi dehan êrişên Îsraîlê deverên li başûr û rojhilatê welêt armanc girtine.
Li gorî raporên destpêkê, herî kêm 13 kes di êrişan de hatine kuştin.
Li gorî heman ajansê, li bajarê peravê başûr ê Seyda êrişeke dronê di armanckirina otomobîlek de 2 kes hatin kuştin.
Li dora Keleha Şiqeyêf a girîng a stratejîk jî, ku hêzên Îsraîlê nêzî hefteyek berê kontrol kiribûn, êriş berdewam kirin.
Hat ragihand ku helîkopterên êrişê yên Îsraîlê çekdarên Hizbullahê li nêzî keleha serê girê bi çekên doçka kir armanc.
Hizbullahê jî berpirsiyariya çend êrişên ku li başûrê Lubnanê hedef girtine girt ser xwe.
