Tengava Hurmuz ku yek ji korîdora enerjiya sereke ya cîhanî ye, careke din di navenda şer de maye.
Îranê ji ber êrişên Amerîka careke din tengav girt.
DYA ragihand ku wan li dehan xalên leşkerî xistiye.
Êrîşên aliyan li ser hev, aloziya li Kendavê gihandiye astek krîtîk.
Alozî û tengezariya di navbera DYA û Îranê de gihîştine astek nû.
Supay Pasdarên Îranê piştî êrîşên Amerîkî girtina Tengava Hurmuzê ragihand.
Rêya avê ya stratejîk, ku beşek girîng ji barkirinên petrol û gaza xwezayî ya şilekirî yên cîhanê jê derbas dibe, careke din hat girtin.
Hikûmeta Îranê ragihand ku wan li baregeheke hewayî ya Amerîkî ya li Urdunê xistiye.
Ev yek weke destpêka qonaxa yekem a tolhildanê hat dîtin.
Centcom: Me li 140 xalên leşkerî yên Îranê xist
Washingtonê bi operasyonên hewayî yên nû bersiv da.
Fermandariya Navendî ya Amerîkayê CENTCOM’ê ragihand ku li nêzîkî 140 xalên leşkerî yên Îranê xistiye.
Di nava wan cihên bûne armanca êrişan de, avêjerên mûşekan, navendên dronan, pergalên çavdêriya peravê û binesaziya ragihandinê hebûn.
Alozî bi êrîşên li ser keştiyan li Tengava Hurmuzê gur bû.
Îranê îdia kir ku bi mûşekek krûz li keştiyek bazirganî xistiye.
Ev yek jî bi îdiaya fermanên wê binpêkiriye pêk hat.
Di heman demê de Amerîkayê ragihand ku odeya motorê ya keştiyê bi giranî zirar dîtiye û endamek ekîbê winda ye.
Îranê êrişî navendên Amerîka yên li welatên kendavê kir
Alozî li welatên din ên Kendavê belav bûye.
Piştî êrîşên mûşekî yên balîstîk ên Îranê li ser Qeterê, rêze teqînên tund li ezmanên Dohayê çêbûn.
Sîstemên parastina hewayî yên Qeterê ragihandin ku wan gelek mûşek li hewayê têk birin e.
Heman hişyarî li Îmaratê jî hebû.
Hikûmeta Îmaratê ragihand ku pergalên wê yên parastina hewayî li dijî mûşek û dronên Îranê hatine aktîfkirin û ji gel xwest ku li stargehê bimînin.
Li Umanê maseya danûstandinan: Alî ji hev dûrin
Her çend şer dewam bikin jî, dîplomasî bi tevahî nehatiye rawestandin.
Wezîrê Derve yê Îranê Ebbas Araqçî ji bo danûstandinan çû Umanê.
Di heman demê de Washington ji Tehranê daxwaza garantiyên giştî dike ku tengav wê ji nûve were vekirin û êrîşên li ser keştiyên bazirganî bê rawestin.
Peyam û daxuyaniyên ji aliyan derdikevin, dide nîşandan ku wê ev alozî di demek kûrt de bidawî nebe.
