Vîrûsa corona li Kurdistan û welatên herêmê jî bandora xwe didomîne.
Li Iraq û Başûrê Kurdistanê qedexeya derketina derve hat dirêjkirin.
Li Îran û Tirkiyê jî bîlançoya qurbaniyan giran dibe.
Vîrûsa corona ku li piraniya welatên cîhanê belav bûye, li Kurdistan û welatên herêmê jî bandora xwe didomîne.
Li seranserê Iraqê vîrûs derbasî 36 kesên din bû û jimara gihiştî bû 382.
Her wiha 7 kesan ji ber virûsê jiyana xwe ji destdane û jimara qurbaniyan bi gihişt 36.
Ji bo pêşîlêgirtina belavbûna vîrûsa Corona hikûmeta Iraqê dema qedexeya hatinûçûnê heta 11’ê Nîsanê dirêj kir.
Tenê îro 825 maşîneyên kesên ku qedexe binpê kirine, hatin desteserkirin.
Li Başûrê Kurdistanê 3 kesên din bi vîrûsê ketin
Li bajarê Hewlêr ê Başûrê Kurdistanê jî 3 kesên din bi vîrûsê ketin.
Li gorî daxuyaniya wezareta tenduristiyê, heta niha jimara kesên bi vîrûsê ketine gihaştiye 103’an û 2 kes jî mirine.
Li Başûrê Kurdistanê jî dema qedexeya derketina derve heta 1’ê Nîsanê hatiye diyarkirin, lê îro Rêveberiya Tenduristiya Silêmaniyê ji hikûmetê xwest ku qedexe heta 15’ê Nîsanê dirêjbikin.
Li Hewlêrê kampanya alîkariyê hat destpêkirin
Li Başûrê Kurdistanê jî weke hemû deverên cîhanê, ji ber qedexedeya derketinê, bi hezaran kes bêkar in.
Li Kerkûkê ji bo kesên pêwîstiya wan bi alîkariyê heye, kampanya alîkariyê hate destpêkirin.
Meclisa gel a Mexmûrê banga alîkariya tenduristiyê kir
Meclîsa Gel a Demokratîk a Mexmûrê bi daxuyaniyekê çapemeniyê ji ber vîrûsa Corona ya ku metirsiyeke mezin li ser penaberên kampê daye çêkirin, banga alîkariyên tibî ji saziyên navneteweyî kir.
Li Şengalê jî qedexeya derketinê hat dirêjkirin
Desteya Rêveberiya Xweser a Şengalê jî ji bo ku pêşî li belavbûna vîrûsê bigire dema qedexya derketinê, heta 1’ê Nîsanê dirêj kir.
Li Tirkiyê jimara kesên bi vîrûsê ketine 2 hezar derbas kir
Li Tirkiyê jî her çiqasî hin dane ji aliyê desthilatdariya welat ve tê belavkirin, lê belê saziyên tenduristiyê texmîn dikin ku hejmar zêdetir e û metirsî heye ku Tirkiye bibe Îtaliya duyemîn.
Hat raghandin ku di nava 24 saetên dawî de 15 kesên din jiyana xwe ji dest dan û 561 kesên din bi vîrûsê ketine.
Li Tirkiyê ji ber corona jimara kesên mirin gihişte 59’an û 2 hezar û 433 kes jî bi vîrûsê ketine.
Dibistan jî wê heta 30’ê Nîsanê girtî bimênin û perwerde wê bi rêya televsionê werin dayîn.
Pêngava ji bo berdana girtiyan, gihaşt 55 hezar îmzeyî
Parlamenterê HDP’ê yê Kocaeliyê Omer Farûk Gerger-lîoglû li dijî belavbûna vîrûsê bêyî ku cudakariyê bixin navbera girtiyan ji bo hemû girtî werin berdan, kampanya îmzeyan da destpêkirin.
Di nava sê rojan de hejmara îmzeyan gihîşt 55 hezaran.
Li Îranê li dijî pêla duyemîn a vîrûsê hişyarî hat dayîn
Li Îranê jî hîna rewşa ji ber vîrûsê derketî xirabtir dibe.
Îro ji ber vîrûsê 157 kesên di mirin û bi giştî jî jimara kesên mirine gehaşt 2 hezar û 234 kesan.
Jimara kesên bi vîrûsê ketine jî bû 29 hezar û 406 kes.
Hikûmeta Îranê hatinûçûna di navbera bajaran de qedexe kir û ji bo pêla duyemîn a vîrûsê hişyarî da.
