Vîrûsa corona ku rojane giyanê bi hezaran mirovan bi xwe re dibe, gelek aliyên wê yên din jî hene. Şerê tewanbariyê yê di nava welatên desthilatdar de xwe dide der.Her wiha kolanên ku rojane bi sedhezaran mirov tê re derbas dibûn, niha ji rêwiyên xwe vala mane.
Şerê û tewanbariya belavbûna Vîrûsa Corona di navbera Çîn û Amerîka de dewam dike.
Îro di Konseya Ewlekariyê de derbarê pêşnûmebiryara ku Washington dixwaze tê de vîrûs ji Çînê re were spartin, nakokî derketin.
Li aliyê din Sefîrê Amerîka yê li Londonê, Çîn ji ber belavbûna vîrûsa corona tewanbar kir û diyar kir ku ji ber Çînê ji destpêkê ve Cîhan derbarê belavbûna vîrûsê de agahdar nekiriye, lewra vîrûs belav bû.
Lûtkeya G20 ji dûr ve pêk hat
Serokên dewletên G20 ku ji ber awayî danustandina bi mijara vîrûsê re rastî gelek rexneyan hatin, bi riya înternêtê lûtkeyeke awarte der barê aloziyê de li dar xistin.
Di lûtkeyê de awayên pêşîgirtina li vîrûsê, hatin nîqaşkirin û li hev hate kirin ku hemû hêza xwe li dijî vîrûsê bikar bînin.
Li Kosovayê hikûmet hat têkbirin
Parlamenterên Kosovayê jî ji bo rakirina serokwezîr Albin Kurti, deng dan.
Bi vê yekê hikumeta wî dibe yekem hikûmeta Ewropayê ku ji ber “şêwazê dan û standina bi belavbûna vîrusê re” ji peywirê tê xistin.
GUTERRES: Corona ji bo hemû mirovahiyê gef e
Sekretêrê giştî yê Neteweyên Yekbûyî (NY) Antonio Guterres ragihand ku vîrêsa corona gefê li tevahî mirovahiyê dixwe û got “planeke bersivdayîna mirovî ya cîhanê” ku dê heta 1`ê Kanûnê dewam bike, hemwextî pêngaveke fînansekirina xebatên li dijî vîrusê ya bi 2 milyar dolarî, da destpêkirin.”
Kolanên parîsê ji mirovan vala ne
Li hemû paytextên Ewropayê berî belavbûna vîrûsê hemû kolan bi mirovan dagirtî bûn.
Lê belê niha, eger derziyek li kolanê were avêtin wê dengê wê were bihîstin.
Yek ji wan jî kolanên Parîsê ne ku niha ji rêwiyên xwe, vala ne..
Dimene kolanan biherikine
Vîrûs qurbaniyên xwe hildibijêre
Tê gotin metirsiya vîrûsa corona herî zêde li ser kesên temen mezin heye.
Li gorî çavdêriya zanyarên cîhanê vîrûsa corona ne tenê nifşan hildibjêre, ew di aliyê zayendî de jî tiştekî wisa dike.
Ji ber ku zanyar dibêjin jimara qurbaniyên vîrûsê li seranserê cîhanê, ya mêran zêdetirî du qatî ya jinan e.
Mînak, li Çînê jimara jinên bi vîrûsê mirine 1.7 ٪ , lê ya mêran 2.8 ٪ bû.
